بۋرابايدا بياتلۋ جانە ترياتلۋ بويىنشا ازيا چەمپيوناتى وتۋدە - فوتو
12:36, 24 - ماۋسىم 2017
كوكشەتاۋ. قازاقپارات - اقمولا وبلىسىنىڭ بۋراباي كەنتىندە بياتلۋ جانە ترياتلۋ بويىنشا ازيا چەمپيوناتى مەن قر جاستارىنىڭ سپورتتىق ويىندارى وتۋدە، دەپ حابارلايدى "قازاقپارات" ح ا ا ءتىلشىسى.
حالىقارالىق بەسسايىس فەدەراتسياسى (UIPM) جانە ق ر مادەنيەت جانە سپورت مينيسترلىگىنىڭ دەنەشىنىقتىرۋ جانە سپورت كوميتەتىنىڭ قولداۋىمەن ءوتىپ جاتقان بايراقتى دودانىڭ اشىلۋ سالتاناتىنا اقمولا وبلىسى اكىمىنىڭ ورىنباسارى اينا ءمىسىرالىموۆا، حالىقارالىق بەسسايىس فەدەراتسياسىنىڭ ۆيتسە- پرەزيدەنتتى، قازاقستان بەسسايىس فەدەراتسياسىنىڭ پرەزيدەنتى بەرىك يماشەۆ جانە ازيا كونفەدەراتسياسىنىڭ بەسسايىس فەدەراتسياسىنىڭ ۆيتسە-پرەزيدەنتى ۆلاديمير نوۆيكوۆ قاتىسىپ، قۇتتىقتاۋ ءسوز سويلەدى.
ازيا چەمپيوناتىنا قازاقستان، وڭتۇستىك كورەيا، پاكىستان، قىرعىزستان جانە ۋكراينا ەلدەرىنەن جينالعان 44 سپورتشى قاتىسۋدا. ال، ق ر جاستارىنىڭ سپورتتىق ويىندارىنا ەلىمىزدىڭ 8 وبلىسىنان كەلگەن 200 جۋىق سپورتشى باق سىناۋدا.
اۆتور: اسلان وسپانوۆ