بۇل تۋرالى بۇگىن ق ر پرەزيدەنتى نۇرسۇلتان نازاربايەۆتىڭ توراعالىعىمەن وتكەن دۇنيەجۇزى قازاقتارىنىڭ V قۇرىلتايىندا قازاق- تۇرىك ءبىلىم، عىلىم جانە زەرتتەۋ قاۋىمداستىعىنىڭ ءتوراعاسى، «قازاق ەلى» جۋرنالىنىڭ باس رەداكتورى دينچتۇرك شابان سەركان ايتتى، دەپ حابارلايدى قازاقپارات.
«قازاق- تۇرىك ءبىلىم، عىلىم جانە زەرتتەۋ قاۋىمداستىعى قازاق تاريحى مەن مادەنيەتىن تۇركيادا تۇراتىن 80 ميلليوننان استام حالىققا تانىتۋ ءۇشىن ءارتۇرلى كىشىگىرىم جانە حالىقارالىق كونفەرەنسيالار وتكىزەمىز. تۇرىك جانە قازاق تىلىندە «قازاق ەلى» اتتى جۋرنالدى شىعارۋدامىز. جۋرنالدىڭ سوڭعى سانىندا ءسىزدىڭ «بولاشاققا باعدار: رۋحاني جاڭعىرتۋ» اتتى ماقالاڭىزدى تۇرىك تىلىندە باسىپ شىعاردىق» ، - دەدى ول قازاقستان پرەزيدەنتىنە قاراتا. سونىمەن قاتار دينچتۇرك شابان سەركان قازاق حالقىنىڭ اتى اڭىزعا اينالعان ۇلى تۇلعالارى تۋرالى كىتاپتاردى دا تۇرىك تىلىندە باسىپ شىعارىپ جاتقاندىقتارىن ايرىقشا اتاپ ءوتتى.
«تۇركياداعى 80 ميلليوننان استام تۇرىك حالقىنا قازاق تاريحى مەن مادەنيەتىن تانىتۋ ءۇشىن قازاق مۋزەيىن اشۋ ىسىنە كىرىستىك. قۇداي قالاسا، ءبىر جىلدىڭ ىشىندە بىتىرەمىز دەپ جوسپارلاپ وتىرمىز» ، - دەدى قازاق- تۇرىك ءبىلىم، عىلىم جانە زەرتتەۋ قاۋىمداستىعىنىڭ ءتوراعاسى.
اۆتور: مارلان جيەمباي