ول باسقا دا ايىپتاۋلار بويىنشا سوت الدىندا جاۋاپ بەرەدى. پروكۋرورلار چحۆە سۋن سيلگە ءوزىنىڭ قىزى چون يۋ رانى ۋنيۆەرسيتەتكە ورنالاستىرۋ ءۇشىن وڭتۇستىك كورەيانىڭ بۇرىنعى پرەزيدەنتى پاك كىن حەمەن بايلانىسىن پايدالانعانى ءۇشىن جەتى جىلعا باس بوستاندىعىنان ايىرۋدى تالاپ ەتتى.
سونداي-اق ول، تەرگەۋ دەرەگى بويىنشا، ۋنيۆەرسيتەت باسشىلىعىنان چونعا ونىڭ ىستەمەگەن جۇمىستارى ءۇشىن جوعارى باعا قويۋدى جانە ونىڭ تاپسىرماعان ەمتيحاندارىن ەسەپكە الۋدى تالاپ ەتكەن.
ەسكە سالا كەتەيىك، پاك كىن حەگە قاتىستى داۋ 2016-جىلعى قازان ايىندا تۋدى. ول كەزدە باسىلىم بەتتەرىندە مەملەكەت باسشىسىنا ونىڭ قۇربىسى چحۆە سۋن سيل ىقپال ەتىپ جۇرگەنى تۋرالى اقپارات تاراعان ەدى.
2016-جىلى جەلتوقسان ايىندا وڭتۇستىك كورەيانىڭ پارلامەنتى پاك كىن حەگە يمپيچمەنت جاريالاۋ ماسەلەسىن داۋىسقا سالدى، ال 10- ناۋرىز كۇنى ونى كونستيتۋتسيالىق سوت بەكىتتى.