بۇگىن قازاقستاندا ەكى كاسىبي مەرەكە اتاپ وتىلەدى
مەملەكەتتىك قىزمەتكەرلەر كۇنى قازاقستان رەسپۋبليكاسى مەملەكەت باسشىسىنىڭ جارلىعىمەن 2013-جىلى بەكىتىلدى. قازاقستان رەسپۋبليكاسىنىڭ كاسىبي مەرەكەلەرى تىزبەسىنە ءتيىستى تارماق ەنگىزىلدى. وسى جىلى اتاۋلى مەرەكەگە وراي مەملەكەتتىك قىزمەتكەرلەر اراسىندا بايقاۋ جاريالانعان ەدى. بايقاۋ جەڭىمپازدارى ەلباسى اتىنان العىس حاتتار مەن ماراپات بەلگىلەرىنە يە بولادى.
ايتا كەتەيىك، كونكۋرسقا قاتىسۋشىلاردىڭ ەڭ ۇلكەنى 62 جاستا بولسا، ەڭ جاس قاتىسۋشى 26 جاستا. جەڭىمپازداردى ماراپاتتاۋ ءراسىمى 23- ماۋسىم - مەملەكەتتىك قىزمەتكەرلەر كۇنى وتەدى. ەسكە سالا كەتەيىك قازاقستاننىڭ پرەزيدەنتى «ۇزدىك مەملەكەتتىك قىزمەتشى» رەسپۋبليكالىق كونكۋرسىنىڭ جەڭىمپازدارىن قابىلداعان بولاتىن.
1992-جىلعى 23- ماۋسىمدا قازاقستان رەسپۋبليكاسى جوعارعى كەڭەسى «قازاقستان رەسپۋبليكاسى ىشكى ىستەر ورگاندارى تۋرالى» زاڭ قابىلدادى.
بۇل قازاقستان پوليتسياسىنىڭ قىزمەتى مەن مىندەتىن انىقتايتىن العاشقى قۇقىقتىق اكت بولاتىن. 2007-جىلى 5- ماۋسىم كۇنى مەملەكەت باسشىسى نۇرسۇلتان نازاربايەۆ ءوز جارلىعىمەن 23- ماۋسىمدى - پوليتسيا كۇنى دەپ بەكىتتى.
ايتا كەتەيىك، وتكەن جىلى اتالعان كاسىبي مەرەكەگە وراي پوليتسيا قىزمەتكەرلەرى اراسىندا ۆەلومارافون وتكىزىلگەن بولاتىن.