ەكس-پرەزيدەنت ءۇيسىز-كۇيسىز جانعا اينالدى

ساياساتكەر «قۇتقارۋ ارمياسى» ۇيىمداستىرعان كەدەيشىلىكپەن كۇرەس ناۋقانى اياسىندا وسىنداي قادامعا باردى.

بۇل اكسيانىڭ ماقساتى - باقىتسىزدىققا كەز كەلگەن ادامنىڭ ۇشىراۋى مۇمكىن ەكەندىگىن كورسەتۋ، سونداي-اق ازاماتتاردى قايعىعا ۇشىراعاندارعا نەمقۇرايلى قاراماۋعا شاقىرۋ.

فوتوگراف انتون سۋكسدورفف تۇسىرگەن سۋرەتتە حالونەن باسقىشتا وتىر. «ونىڭ كوزىنەن شاراسىزدىقتى كورۋگە بولادى، ال كيىمى - ەسكى ءارى لاس. مەن مۇنداي بولاتىندىعىن كۇتپەگەن ەدىم. ول وسى جاعدايعا وراي ءوز ءرولىن تاماشا ورىندادى. ءبىز ءتيىستى كادرلاردى 20 مينۋتتىڭ ىشىندە ءتۇسىرىپ شىقتىق»، - دەيدى فوتوگراف.

قايىرىمدىلىق شاراسىنا Rovio ويىن كومپانياسىنىڭ ارقاسىندا (Angry Birds قۇرۋشى) تانىمال بولعان كاسىپكەر پەتەر ۆەستەرباك تا قاتىسۋدا.

ايتا كەتكەن ءجون، حالونەن 2000-2012-جىلدار ارالىعىندا فينليانديا پرەزيدەنتى بولدى. پرەزيدەنتتىك لاۋازىمىنان كەيىن ول الەۋمەتتىك جوبالارعا بەلسەندى قاتىسا باستادى.

مىسالى، 2015-جىلى تاياۋ شىعىستان بوسقىنداردى اكەلگەن كەزدە حەلسينكي ۆوكزالىنا كەلىپ، جەرگىلىكتى قىزىل كرەست بولىمشەسى ءۇشىن قاراجات جيناعان.