جىل سايىن وتكىزىلەتىن بۇل شارا بارىسىندا فارار ارالدارىنىڭ كيت اۋلاۋشىلارى جۇزدەگەن قارا دەلفيندى ءولتىرىپ، سۋدى قاندى تەڭىزگە اينالدىرادى.
قارا دەلفيندەر - گريندالار جىل سايىن جاپپاي كوشۋ، ياعني مەكەن اۋىستىرۋ بارىسىندا فارەر ارالدارىنىڭ جاعالاۋىنا سوعادى. وسى جايتتى جەرگىلىكتى بالىقشىلار مەن كيت اۋلاۋشىلار ءوز مۇددەلەرىنە جاقسى پايدالانىپ قالادى. جۇزدەگەن دەلفيندى ارنايى دايىنداپ قويعان سۋى تاياز جەرلەرگە ءۇيىرىپ الىپ كەلەدى دە، اسا قاتىگەزدىكپەن نايزالاپ ولتىرەدى.
مۇنداي قاتىگەزدىككە قاتىسپايتىن جەرگىلىكتى تۇرعىندار مەن تۋريستەر فەستيۆالدى جاعالاۋدا تۇرىپ تاماشالايدى، كەيبىرەۋلەرى ولگەن دەلفيندەردى جاعاعا شىعارۋعا كومەكتەسەدى.
كەزىندە دەلفيندەردى اۋلاۋ ازىقتىق مانگە يە بولعان: فارەر ارالدارىنىڭ كليماتى تىم قاتال، سوندىقتان تەك قارا دەلفيندەردىڭ ەتى عانا جەرگىلىكتى تۇرعىنداردىڭ قىستان امان- ەسەن شىعۋىنا سەپ بولعان. ال، بۇگىندە تاماق تابۋدىڭ باسقا جولدارى جەتىپ- ارتىلاتىندىعىنا قاراماستان، دەلفيندەردىڭ ەتىن جەۋ ءداستۇرى جالعاسۋدا.
«تەڭىز باقتاشىسى» («مورسكوي پاستۋح» ) كومپانياسى جىل سايىن فارەر ارالدارىندا كيتتەردى اۋلاۋعا قارسى اكسيالار ۇيىمداستىرادى. اكسيالاردىڭ ناتيجەلەرى ەكولوگتاردىڭ پوليتسيامەن قاقتىعىستارىنا جانە جەرگىلىكتى تۇرعىنداردىڭ قارسى شابۋىلىنا ۇشىراۋمەن اياقتالادى. ال، "گريندادراپ" فەستيۆالى ارى قاراي جالعاسا بەرەدى.
تابيعات جاناشىرلارى ازىرشە مۇنداي قاتىگەز ءداستۇردى توقتاتۋعا قاۋقارسىز بولىپ وتىر.