بۇل تۋرالى Instagram جەلىسىندە سارا بەرسان ەسىمدى قولدانۋشى جازدى. «دۇيسەنبى، كەشكى ۋاقىت. استانا. كەپتەلىس. شارشاعان جاياۋ جۇرگىنشىلەر. ۇيگە اسىعىپ بارا جاتقان جۇرگىزۋشىلەر. ءبىر سوزبەن ايتقاندا، بارلىعى شارشاعان. سودان جول بويىندا اجە پايدا بولدى. ارەڭ دەگەندە ءجۇرىپ كەلە جاتىر. جاسىل ءتۇس جانىپ بىتكەن، ال اجەي بولسا ءالى جولدىڭ ورتاسىندا بولدى. كەپتەلىس جاندانىپ، بىرەۋلەر ءتىپتى كولىكتەرىنىڭ تەرەزەلەرىنەن ايعايلاپ جاتتى. ال بىرەۋلەر توقتاۋسىز دابىل بەرە بەردى»، - دەپ جازعان سارا بەرسان.
«سوندا ءبىر ادام عانا سابىرلى بولدى. ول ءبىر بەلگىمەن- اق اشۋلى جۇرگىزۋشىلەرگە ءوزىنىڭ قايىرىمدى ءىسىن كورسەتتى. ول اجەنى قولىنان ۇستاپ، جولدان وتكىزدى. بارلىعى وسى ساتتە تىنىشتالىپ، جاسىل ءتۇستىڭ جانعانىن كۇتتى. بارلىعىنا ساباق بولدى... جۇمىسىڭىزعا ساتتىلىك، قۇرمەتتى ءتارتىپ ساقشىسى، ال ەڭ باستىسى، ناعىز ەر ادام»، - دەپ جازعان استانالىق قىز.
الەۋمەتتىك جەلى قولدانۋشىلارى پوليتسەيدىڭ ارەكەتىن قولداپ جاتىر. «قانداي ازامات! كوزىمە جاس الدىم. وسىنداي ادامدار كوبىرەك بولسا ەكەن»، - دەپ جازعان قولدانۋشىلاردىڭ ءبىرى. استانا قالالىق ءى ءى د باسپا ءسوز قىزمەتىندەگىلەر سۋرەتتەگى پوليتسەيدىڭ ارنايى باتالون قىزمەتىنىڭ اعا ينسپەكتورى، اكىمشىلىك پوليتسيا باسقارماسىنىڭ باس لەيتەنانتى باقىتجان ماۋلەنوۆ ەكەنىن ايتتى.