ەرلان ساعاديەۆ ۇ ب ت- نىڭ باستالۋىنا وراي پىكىر ءبىلدىردى
«جالپى، تەستىلەۋ وتە جاقسى تاپسىرىلىپ جاتىر. قازاقستان تاريحى بويىنشا تەستىلەۋدەن ءوتىپ جاتقانداردىڭ تەك ءتورت پايىزى عانا بازالىق دەڭگەيدەن وتپەي قالدى. سوندىقتان دا بارلىق جاقسى بولادى دەپ ويلايمىن. وسى ورايدا تالاپكەرلەردىڭ بارىنشا كوپ ۇلەسى ج و و- لارعا ءتۇسىپ، جوعارى ءبىلىم الۋىن قالايمىز»، - دەدى مينيستر تىلشىلەرگە بەرگەن سۇحباتىندا.
دەگەنمەن، ەرلان ساعاديەۆ ۇ ب ت بويىنشا بولجام جاساعان جوق. «قازىر قانداي ناتيجە بولاتىنىن ايتۋ قيىنداۋ، الايدا بارلىعى وقۋعا تۇسەدى دەپ پايىمدايمىن (...) ەڭ باستىسى - بارلىعى تىنىش ءارى قالىپتى جاعدايدا ءوتىپ، مەكتەپ وقۋشىلارى اتتەستاتسيانى ەڭسەرگەنى ماڭىزدى»، - دەدى ۆەدومستۆو باسشىسى. ونىڭ سوزىنە قاراعاندا، «التىن بەلگىگە» ۇمىتكەرلەردىڭ 93 پايىزى ءوز بىلىمدەرىن دالەلدەدى. «ەگەر دە ادام ءومىر بويى جاقسى وقىسا، وندا ول بۇل بەلگىگە لايىقتى»، - دەپ تۇيىندەدى ءسوزىن مينيستر.
اۆتور: رۋسلان عابباسوۆ