بۇل جايلى جۋرناليستەرگە پارتيا ءتوراعاسى اميت شاح باياندادى، دەپ حابارلايدى ت ا س س اگەنتتىگى.
«گۋبەرناتور بيحارا رام ناتح كوۆيندتى پرەزيدەنتتىككە كانديداتىمىز بولادى دەپ شەشتىك. بارلىق ساياسي پارتيالار ءبىزدىڭ شەشىمىمىزدەن حاباردار»، - دەپ كەلتىرەدى شاح سوزدەرىن «India Today» باسىلىمى.
«رام ناتح كوۆيند ءدىني ازشىلىقتان قانالعان داليتتەردىڭ مۇددەسىن ۇزاق جىلدار بويى قورعاپ كەلگەن»، - دەپ قوسىپ ءوتتى ساياساتكەر.
ءۇندىستاندا پرەزيدەنت سايلاۋى 17- شىلدە كۇنى وتەدى. قازىرگى مەملەكەت باسشىسى پراناب مۋكەردجيدىڭ وكىلەتتىلىگى 24 - شىلدە كۇنى اياقتالادى. 71 جاستاعى كوۆيند جەڭىسكە جەتكەن جاعدايدا، ول ءۇندى تاريحىنداعى «سوت جۇرمەيتىن كاستاعا» جاتاتىن ەكىنشى پرەزيدەنت بولماق: ءبىرىنشىسى كوچەريل رامان نارايانان بولدى، ول بۇل لاۋازىمدى 1997-2002 -جىلدارى اتقاردى.