كەيبىرى ەرتە تەڭىن تاۋىپ كەتسە، ەندى ءبىرى «ماعان تۇرمىسقا شىعاسىڭ با؟» دەگەن ۇسىنىستى ۇزاق كۇتەدى.
پسيحولوگتاردىڭ پايىمداۋىنشا تومەندەگى 5 تيپتەگى قىزدارعا جىگىتتەر وڭايلىقپەن ۇسىنىس جاسامايتىن كورىنەدى. سونىمەن ولاردىڭ قاتارىندا قانداي قىزدار بار ەكەنىن بىرگە كورەيىك.
«اكتريسا» قىزدار
بۇل جەردە ماماندىقتى ايتىپ تۇرعانىمىز جوق، «اكتريسا» دەگەن تيپكە جاتاتىن سىلقىمداردى مەڭزەيمىز. ولاردىڭ شامادان تىس قىلىقتارى مەن جۇمباقتارى بولادى. ول ەشكىمگە ۇقسامايتىن ءبىر رولگە كىرىپ الادى جانە ونى ۇنەمى وزگەرتىپ تۇرۋى دا مۇمكىن. ال ەر ادامنىڭ ميى سالماق تۇسىرەتىن ويدى ويلاعىسى كەلمەيدى.
«شىعارماشىلىق» بيكەشتەر
بۇل جەردەگى «شىعارماشىلىق» ءسوزى جۇمىسقا ەمەس، مىنەزگە بايلانىستى ايتىلىپ تۇر. بۇنداي سۇلۋلار ءوزىنىڭ كوزقاراسى مەن تىلەگىن مينۋت سايىن اۋىستىرعىش بولىپ كەلەدى. وزدەرى ناقتى شەشىم قابىلداي المايدى. مۇنداي ايەلدەردىڭ جانىندا ەر ادام ءارى قاراي نە بولاتىنىن بىلمەيدى. مۇنداي قىلىق ونىڭ پسيحيكاسىنا اسەر ەتىپ، مازاسىن الادى.
«بىلگىشتەر»
بۇل تيپتەگى قىزدار ەر ادام نەنى قالايتىنىن جاقسى بىلەدى. ولار جىگىتتەرمەن قارىم- قاتىناس تۋرالى بارلىق كىتاپتار مەن ترەنينگتەرگە قاتىسقان. بۇنداي قىزدار كەز كەلگەن تاقىرىپتا اڭگىمە ايتا الادى جانە ءوزىنىڭ پىكىرى قالىپتاسقان. ال وسىنداي قىزدارمەن كەزدەسكەن ەرلەر ءوزىنىڭ زەرەكتىگىنە كۇمانمەن قاراي باستايدى. سوندىقتان تۇبىندە قاشقاندى ءجون سانايدى.
«پەرو» ءتيپى
پەرو، ياعني ءوز ومىرىنە كوڭىلى تولمايتىن جاندار. بارلىق ءومىرى مۇن، ءمۇسىنى كەلىسپەي قالعان، مانساپتا جولى بولماعان، ءتىپتى اۋا- رايىنا دا نارازى بولىپ جۇرەدى. بۇكىل ءومىرىن اپاتيا، ديپرەسسيامەن وتكىزەدى، ءبىر سوزبەن ايتقاندا ءومىرىن وزگەرتۋگە قۇلشىنىسى جوق قىزدار. ەركەك- پسيحوتەراپيەۆت ەمەس، قورعان بولاتىن ادام. مۇنداي قىزبەن ارالاسا باستاعان جىگىتتەر بىردەن قۇتىلۋعا تىرىسادى ەكەن.
«تاۋەلسىز» قىزدار
بۇل قىزدار جالعىزدىقتان قورىقپايدى. سۇيىكتى ادام كەزدەسسە قارسى ەمەس، ال كەزدەسپەسە جالعىس ءومىر سۇرۋگە دە بولادى دەپ ويلايدى. ءتىپتى بۇل تيپتەگى قىزداردىڭ كەيبىرى ۇيىندە ۇنەمى ءبىر جىگىتتى كورۋدى قۇپ سانامايدى. ءبىر جىگىتپەن تانىسسا، بولاشاقتا مۇمكىن بۇدان دا جاقسىسى كەزدەسىپ قالسا... دەگەن ويمەن جۇرەدى. بۇل قىزدار جىگىتتەردىڭ ءبىر رامكادان شىقپاۋىن، ءمىنسىز ەركەكتىڭ رولىندە بولۋىن قالايدى. سونىمەن قاتار، سوزىندە جالعىزدىقتىڭ جاقسى ەكەنىن ايتىپ وتىرادى. ال جىگىتتەر ولاردان قورقادى.
دەرەككوز: Nur.kz