قورعاستا حالىقارالىق ساناتوريالىق- ساۋىقتىرۋ ورتالىعى سالىنادى

استانا. قازاقپارات - «قورعاس» شەكارا ماڭى ىنتىماقتاستىعى حالىقارالىق ورتالىعىندا بيىل قازاقستاندىق- قىتايلىق ساناتوريالىق- ساۋىقتىرۋ ورتالىعىنىڭ قۇرىلىسى باستالادى، دەپ حابارلادى «شينحۋا» .

 اگەنتتىكتىڭ دەرەكتەرىنە سايكەس، ورتالىق قىتاي جانە وعان جاقىن ورنالاسقان ەلدەردىڭ تۇرعىندارىنا قىزمەت ەتەتىن بولادى. جوسپارلى بالا تۋۋ جانە دەنساۋلىق ساقتاۋ ىستەرى كوميتەتىنىڭ باسشىسى تان داحايدىڭ ايتۋىنشا، ساناتوريالىق- ساۋىقتىرۋ ورتالىعى «قورعاس» شەكارا ماڭى ىنتىماقتاستىعى حالىقارالىق ورتالىعىنىڭ قىتايلىق بولىگىندە سالىنادى جانە وعان قىتاي، قازاق، ۇيعىر، موڭعول، تيبەت مەديتسيناسىنىڭ مامانداندىرىلعان ەمدەۋ كورپۋستارى ەنگىزىلەدى. ورتالىق مىندەتتەرىنىڭ تىزبەسىنە مەديتسينالىق زەرتتەۋ، سالاۋاتتى ءومىر سالتىن قولداۋ، دەنساۋلىق جاعدايىن تەكسەرۋ، ساۋىقتىرۋ قىزمەتتەرىن كورسەتۋ كىرەدى. 60 شارشى مەتر الاڭ 330 ورىنمەن جابدىقتالادى.