الەۋمەتتىك ەكسپەريمەنت: الماتىلىقتاردىڭ تازالىققا قالاي قارايتىندىعى تەكسەرىلدى

 ءتۇسىرىلىم باستالعاننان سوڭ كەلۋشىلەردىڭ كوپشىلىگى قوقىسقا ءمان بەرمەگەندىگى انىقتالدى.

 «40 مينۋتتاي كۇتتىك. ەشكىم قوقىستى كوتەرگەن جوق. 10 جاستاعى جاراس ەسىمدى بالا قوقىستى العاشقى بولىپ جاشىككە تاستادى. بالاقايدىڭ ارەكەتىنە، العان تاربيەسىنە ريزا بولدىق. ونى ماراپاتتاپ، سىيلىق بەرىپ، سۋرەتكە تۇستىك. الايدا تۋعان قالاسىنىڭ تازالىعىنا نەمقۇرايلى قارامايتىن ادامدار كوبەيدى. 4 ساعات ىشىندە 10   شاقتى ادامعا سىيلىق بەردىك. اسىرەسە كىشكەنە الماتىلىقتار وتە ەرەكشە تازالىق تانىتتى. مۇنى كورىپ جاۋاپكەرشىلىگى مول ازاماتتار ءوسىپ كەلە جاتقانىنا كوز جەتكىزدىك»، - دەدى تاتيانا انۋفريەۆا.

 ونىڭ ايتۋىنشا، مۇنداي اكسيالار ەكولوگيالىق احۋالعا قوعام نازارىن بارىنشا اۋدارۋعا ىقپال ەتپەك. سونداي- اق، ۇيىمداستىرۋشىلار ساياباققا كەلگەندەرگە LifeBag فيرماسىنىڭ ەكولوگيالىق پاكەتتەرىن تەگىن تاراتتى. تۇسىرىلگەن ۆيدەودان ۇيىمداستىرۋشىلار «تازا قالا ءۇشىن» الەۋمەتتىك روليگىن جاساپ، قوعامدىق ورىنداردا، مەترو ستانسالارىندا، اۆتوبۋس ىشىندە كورسەتۋگە نيەت ءبىلدىرىپ وتىر.

 اۆتور: گۇلميرا عوسمانالي