«بۇل قالالىقتار ءۇشىن تاماشا سىي، سەبەبى جاسىل جەلەككە ورانعان ورىندار وتە از. جەلەكجولدار حالىقتىڭ تىنىعىپ الۋ ءۇشىن تاپتىرماس ورىن»، - دەدى فەستيۆال كۋراتورى يانا مالينوۆسكايا.
سۋرەتشىلەر مەن مۇسىنشىلەر اشىق الاڭدارعا بىرنەشە جاڭا تۋىندى قويدى. ولاردىڭ ىشىندە جاپوندىق ساۋلەتشى شينو شيكيتو جاساعان جىلجىمالى ۇستەل، جارتىلاي كيىز ءۇي سەكىلدى زاماناۋي ايالدامالار، بالالار الاڭقايى جانە جارىق وتپەلەرى بار. سونداي- اق، جەلەكجول بويىنشا زاماناۋي ومىردەگى كوشپەندىلەردىڭ وبرازىن كورسەتەتىن جۇمىستار قويىلعان. ماسەلەن، كۇن مەن جىلقى سۋرەتشىلەردىڭ مەتالل جانە كينەتيكالىق جۇمىستارىندا كورىنىس تاپقان.
ءدال وسى جەردە ايەل كيىمىنەن جاسالعان «حان شاتىر» ويىن- ساۋىق ورتالىعىنىڭ كىشىرەيتىلگەن ۇلگىسىن كورۋگە بولادى. ول قازاقتىڭ ۇلتتىق باس كيىمى ساۋكەلەنى ەسكە سالادى جانە ايەلدىڭ ءرولى قالاي وزگەرگەنىن ايتىپ بەرەدى. كەيبىر ەكسپوزيتسيالار قورشاعان ورتانى پلاستيكپەن لاستاۋ ماسەلەسىن كوتەرەدى. مىسالى، جىلدىڭ ءتورت مەزگىلىن كورسەتەتىن ساۋلە سۇلەيمەنوۆانىڭ جىلجىمالى كونسترۋكتسياداعى پەيزاجى پلاستيكالىق پاكەتتەردەن جاسالعان. وسىلايشا، سۋرەتشى قازاق دالاسىن پلاستيك پاكەتتەردىڭ باسىپ كەتۋى مۇمكىن ەكەنىن ەسكەرتەدى.
فەستيۆالدىڭ رەسمي اشىلۋى بۇگىن كەشكى 20.00-دە باستالادى. وندا كورەرمەندەر جارىق جانە وت شوۋلارىن، حورەوگرافيالىق نومىرلەردى تاماشالاي الادى. قوناقتار اراسىندا ق ر تانىمال بالەت ارتىستەرى دوسجان تابىلدى جانە جاندوس اۋباكىروۆ بولادى.
اۆتور: ايجان سەرىكجان قىزى