فينليانديا پرەزيدەنتى قازاقستانعا ۇلكەن دەلەگاتسيامەن كەلەدى
«فينليانديا پرەزيدەنتى ساۋلي نيننەستە 20- ماۋسىم كۇنى استاناعا كەلەدى دەگەن جوسپار بار. دەلەگاتسيانىڭ قۇرامىندا 70 كە جۋىق ءىرى بيزنەس وكىلدەرى بولادى. سول كۇنى ەكسپو-2017 كورمەسىندە ورنالاسقان فينليانديانىڭ پاۆيلونىندا وسى ەلدىڭ ۇلتتىق كۇنى اتالىپ وتىلەدى. اتالعان شاراعا ساۋلي نيننەستە قاتىسادى. ارينە، جوعارى دەڭگەيدەگى كەزدەسۋلەر دە بولادى. جالپى فينليانديا ەكسپو كورمەسى اياسىندا ىسكەرلىك بايلانىستاردىڭ كەڭەيە تۇسەتىندىگىنە سەنىم ارتىپ، ۇلكەن دەلەگاتسيامەن كەلەيىن دەپ جاتىر»، - دەدى م. نۇرتىلەۋوۆ بۇگىن استانادا وتكە باسپا ءسوز ءماسليحاتىندا.
ەلشىنىڭ ايتۋىنشا، بۇگىندە فيندىكتەر قالدىقسىز وندىرىسكە ەرەكشە باسىمدىق بەرەدى. سونىڭ ارقاسىندا قورشاعان ورتانى بارىنشا ساقتاپ، ەكولوگيالىق تازا مەملەكەتتەردىڭ قاتارىنا كىرگەن.
ايتا كەتەيىك، بۇعان دەيىن قازاقپارات فينليانديانىڭ پرەزيدەنتى ساۋلي نيننيستەنىڭ استاناداعى ەكسپو-2017 حالىقارالىق كورمەسىنە كەلەتىنىن حابارلاعان بولاتىن.