الماتىدا مەملەكەتىك كىرىستەر دەپارتامەنتىنىڭ باس مامانى پارامەن ۇستالدى
دەپارتامەنتتىڭ باسپا ءسوز قىزمەتىنىڭ حابارلاۋىنشا، اۋەزوۆ اۋداندىق مەملەكەتتىك كىرىستەر باسقارماسىنىڭ اقپارات قابىلداۋ جانە وڭدەۋ ورتالىعىنىڭ باس مامانى 470 مىڭ تەڭگە كولەمىندە پارا العان. ول ءۇشىن باس مامان پارا بەرگەن ادامعا كولىك سالىعى تولەنگەنى تۋرالى جالعان انىقتاما بەرۋى ءتيىس بولاتىن.
«بۇل قىزمەتكەر سالىق تولەۋشىنىڭ بەرەشەگى بار ەكەندىگىن بىلگەن. ويتكەنى، قوزعالتقىشىنىڭ كولەمى ۇلكەن كولىكتەرگە سالىق تولەنۋىن قاداعالاۋ ول كىسىنىڭ تىكەلەي مىندەتى. كەيىن بۇل انىقتامامەن سالىق تولەۋشى ارنايى ح ق ك و- عا بارىپ، كولىك سالىعى تولەنگەنىن ايتقان»، - دەدى باسپا ءسوز قىزمەتىنەن.
تەرگەۋ جۇمىستارى بارىسىندا ونىڭ ەكى سىبايلاسى تابىلدى.
بۇل ازاماتتار كىناسىن مويىندادى. بولاشاقتا مۇنداي ولقىلىقتار بولماس ءۇشىن دەپارتامەنتتە ارنايى كوميسسيا قۇرىلدى. قازىر كۇدىكتى قاماۋعا الىندى.
اۆتور: گۇلميرا عوسمانالي