قانات يسلام باۋىرجان بايبەككە چەمپيوندىق بەلبەۋىن سىيعا تارتتى
كەزدەسۋ بارىسىندا قانات يسلام باۋىرجان بايبەككە ءوزىنىڭ چەمپيوندىق بەلبەۋىن سىيعا تارتقان.
«سپورتقا جاناشىرلىعىڭىز بەن جارقىن بولاشاق ءۇشىن جاساپ جۇرگەن ەڭبەگىڭىزگە ريزاشىلىق ءبىلدىرىپ، ىنىلىك كوڭىلمەن سىزگە وسى بەلبەۋدى سىيلايمىن»، - دەدى قانات يسلام.
سونداي- اق، بەلبەۋگە «باۋىرجان بايبەك اعاما قانات يسلامنان ەستەلىك» دەگەن ءسوز قاشالىپ جازىلعان. ءوز كەزەگىندە قالا اكىمى ەكپو-2017 كورمەسى اياسىندا وتەتىن بايراقتى باسەكەدە قانات يسلام جەڭىسكە جەتىپ، قازاق ەلىنە تاعى دا قۋانىش سىيلايتىنىنا سەنىمدى ەكەنىن ايتتى.
ايتا كەتەيىك، الماتى قالاسى اكىمدىگى قانات يسلامنىڭ ا - تا وتكەن جەكپە- جەگىنىڭ باس سەرىكتەسى بولدى. سونداي- اق، 2016 -جىلى «الماتى ارەنادا» وتكەن بوكس كەشىنە دە قولداۋ كورسەتكەن بولاتىن. بەرىك سۇلتاننىڭ ايتۋىنشا، جاقىن كۇندەرى بوكسشىنىڭ «QAZAQ» كومانداسى ب ا ق وكىلدەرى ءۇشىن ارنايى باسپا ءسوز ماسليحاتى ۇيىمداستىرادى.
ەسكە سالا كەتەيىك، قانات يسلام 27 - مامىر كۇنى ا ق ش- تىڭ فلوريدا قالاسىندا وتكەن كەزەكتى جەكپە- جەگىندە نوربەرتو گونسالەسپەن 12 راۋند بويى جۇدىرىقتاسىپ، ۇپاي سانىمەن جەڭىسكە جەتتى.
اۆتور: مۇحتار قاليموللا ۇلى