قازاقستاندا ءاربىر ازاماتتىڭ ەلەكتروندىق دەنساۋلىق ءتولقۇجاتى بولادى
دەپ حابارلايدى قازاقپارات.
بۇل تۋرالى «قازاقستاندا ەلەكتروندىق دەنساۋلىق ساقتاۋدى دامىتۋ» تاقىرىبىندا وتكەن باسپا ءسوز ءماسليحاتىندا ق ر د س م رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ باس ديرەكتورىنىڭ م. ا. ولجاس ابىشيەۆ جان ە «قازاق تەلەكوم» ا ق- نىڭ اقپاراتتىق جۇيەلەر ديرەكتسياسى بيزنەس- شەشىمدەردى ازىرلەۋ ورتالىعىنىڭ باسشىسى جانار مۇرزاحانوۆا ءمالىم ەتتى.
«بىرلەسكەن جوبالاردىڭ ءبىرى رەتىندە دەنساۋلىق ساقتاۋ مينيسترلىگى مەن «قازاق تەلەكوم» ا ق ۇلتتىق mail.kz ەلەكتروندىق سەرۆيسىنىڭ پورتالى نەگىزىندە دەنساۋلىق ساقتاۋ سالاسىنىڭ قىزمەتكەرلەرىنە ارنالعان ءبىرىڭعاي ەلەكتروندىق پوشتالىق سەرۆيسى جوباسىن ىسكە قوستى، مۇندا @med.mail.kz اتتى دومەندى مەديتسينالىق ۇيىمداردىڭ قىزمەتكەرلەرىنە ارنالعان دەربەس پوشتالىق سەرۆيس ازىرلەنگەن. اتالعان سەرۆيس بارلىق مەديتسينا قىزمەتكەرلەرىنىڭ ءبىرىڭعاي اقپارات الماسۋ، مەديتسينا تاقىرىبىنداعى قوزعالاتىن ماسەلەلەردى تالقىلاۋ ورتاسى رەتىندە قولدانۋىنا ارنالعان»، - دەدى ولجاس ابىشيەۆ.
بۇدان بولەك، «بيۋدجەتتىك پروتسەسستەردىڭ ايقىندىعىن قامتاماسىز ەتۋ جانە مەديتسينالىق ۇيىمدار قىزمەتىنىڭ قارجىلىق- شارۋاشىلىق قىزمەتىن ەسەپكە الۋدى قاماتاماسىز ەتۋ ماقساتىندا دەنساۋلىق ساقتاۋ مينيسترلىگى مەن «قازاق تەلەكوم» ا ق بۇلتتى تەحنولوگيالار نەگىزىندە بۋحگالتەرلىك جانە كادرلىق ەسەپتىڭ ورتالىقتاندىرىلعان جۇيەسىن ىسكە اسىرۋ تۋرالى كەلىسسوزدەر جۇرگىزىلۋدە» - دەدى جانار مۇرزاحانوۆا.
ولجاس ابىشيەۆتىڭ حابارلاۋىنشا، قاراشا ايىندا بالا كۇتىمىنە جانە قامقور بولۋعا ارنالعان موبيلدى قوسىمشالار ىسكە قوسىلادى.
«وسىعان ۇقساس قوسىمشالار ۇلى بريتانيادا، اۆستراليادا، شىعىس ەۋروپا جانە ت م د ەلدەرىندە پايدالانىلادى. 2017 -جىلدىڭ سوڭىنا دەيىن پاتروناج مەيىرگەرى جانە جاس اتا- انالار كىشكەنتاي بالالارعا كۇتىم كورسەتۋگە ارنالعان ارنايى موبيلدى قوسىمشالاردى پايدالانا الادى. موبيلدى قوسىمشالار بۇگىنگى تاڭدا قازاقستانداعى بالالار قورى (يۋنيسەف) مەن ق ر دەنساۋلىق ساقتاۋ مينيسترلىگىنىڭ رەسپۋبليكالىق ەلەكتروندىق دەنساۋلىق ساقتاۋ ورتالىعى اراسىندا قول قويىلعان كەلىسىم شەڭبەرىندە ازىرلەنەتىن بولادى. «پاتروناج مەيىرگەرى» موبيلدى قوسىمشاسىن پايدالانۋ بالا تۋرالى دەرەكتەردى تولتىرۋ بويىنشا جۇمىستاردى جۇرگىزۋدى جەڭىلدەتەدى. مەيىرگەر ءۇي جاعدايىندا بالاعا جانە اتا- اناعا كوبىرەك كوڭىل بولە الادى. اقپاراتتى ەلەكتروندىق تۇردە ەنگىزۋ كورسەتىلەتىن قىزمەتتەردىڭ تيىمدىلىگىن ارتتىرادى جانە دەرەكتەردى جوعالتۋ تاۋەكەلىن ازايتادى»، - دەيدى ولجاس ابىشيەۆ.
سونداي- اق، ول دۇنيەجۇزىلىك بانكپەن ق ر دەنساۋلىق ساقتاۋ مينيسترلىگىنىڭ بىرلەسكەن جوباسى تۋرالى جەتە توقتالىپ ءوتتى.
«پلاتفورمانىڭ نەگىزگى كومپونەنتتەرىنىڭ ءبىرى ەلەكتروندىق دەنساۋلىق ءتولقۇجاتى (ءارى قاراي - ە د ت) بولىپ تابىلادى. پاتسيەنتتەرگە ارنالعان ە د ت دەنساۋلىعى جونىندەگى اقپاراتقا، دەربەستەندىرىلگەن ۇسىنىمدار مەن ەسكەرتۋلەرگە قولجەتىمدىلىك بەرەدى. مەديتسينا قىزمەتكەرلەرى ءۇشىن پاتسيەنتتىڭ دەنساۋلىعى تۋرالى ءومىر بويى جيناقتالاتىن اقپاراتقا قولجەتىمدىلىك بەرەدى، كلينيكالىق شەشىمدەردى قابىلداۋعا، مەديتسينالىق قاتەلىكتەردى قىسقارتۋعا كومەكتەسەدى» - دەدى ابىشيەۆ ولجاس.
ەستەرىڭىزگە سالا كەتەيىك، ەلباسى ءوزىنىڭ «قازاقستاننىڭ ءۇشىنشى جاڭعىرۋى: الەمدىك باسەكەگە قابىلەتتىلىك» اتتى وسى جولعى جولداۋىندا دەنساۋلىق ساقتاۋ جۇيەسىنىڭ الدىندا دەنساۋلىق ساقتاۋدى قاجەتتى دەڭگەيدە اقپاراتتاندىرۋدى قامتاماسىز ەتۋدى تاپسىرعان.