ەلوردا كافەسىندەگى قىمبات باعاعا شاعىمدانعان قىتايلىق تۋريست داياشىمەن سوزگە كەلىپ قالعان
17:56, 15 - ماۋسىم 2017
استانا. قازاقپارات - قىتاي ازاماتشاسى ەلوردامىزداعى كافەلەردىڭ بىرىندەگى قىمبات باعاعا شاعىمداندى دەپ حابارلايدى استانا ىشكى ىستەر دەپارتامەنتى باسپا ءسوز قىزمەتى.
«14- ماۋسىم كۇنى 22:00 دە «102» كانالىنا قىتاي ازاماتشاسىنان قوڭىراۋ كەلىپ تۇسكەن، ول كەشكى اس ءۇشىن قوماقتى كولەمدە ەسەپ اكەلگەن كافە قىزمەتشىسىمەن ارادا كيكىلجىڭ تۋىنداعانىن حابارلادى. وقيعا ورنىنا بارعان پوليتسەيلەر ماسەلەنى شەشىپ بەردى»، - دەپ حابارلايدى ۆەدومستۆو.
سونىمەن بىرگە، ەلوردالىق پوليتسەيلەر اداسىپ كەتكەن اعىلشىن تۋريستىنە قوناق ءۇيىن تابۋعا كومەكتەسىپتى. جانە جۇگىن تاكسيدە قالدىرىپ كەتكەن يسپانيانىڭ ەكى ازاماتىنا دا تەز ارادا قول ۇشىن بەرگەن.