وزبەكستان ەكونوميكاسى جىلدام ءوسىپ كەلە جاتقان ەلدەردىڭ قاتارىنان ءبىر-اق شىقتى
بۇل تۋرالى دۇنيەجۇزىلىك بانكتىڭ «عالامدىق ەكونوميكانىڭ بولاشاعى» باسىلىمى كەلتىرگەن مالىمەتتەن بەلگىلى بولدى دەپ حابارلايدى Sputnik وزبەكستان اگەنتتىگىنە سىلتەمە جاساپ.
وسى جىلى وزبەك ەلىنىڭ جالپى ىشكى ءونىمى %7,6 عا وسەدى دەپ كۇتىلۋدە. قۇجاتتا كورسەتىلگەندەي، وزبەكستانعا قاتىستى جوعارى باعا مۇناي باعاسىنىڭ ءوسۋى، ەۋرواۋماقتاعى تۇراقتى ءوسىم مەن ايماقتاعى بىرنەشە ءىرى ەلدىڭ قولداۋىنا نەگىزدەلگەن.
رەيتينگتە ءبىرىنشى بولىپ ەفيوپيا ورنالاسقان. بۇل ەلدىڭ جالپى ىشكى ءونىمى %8,3 عا وسەتىنى ايتىلعان. ءۇشىنشى ورىندا - نەپال. مۇندا جالپى ىشكى ءونىمنىڭ ورتاشا جىلدىق ءوسىمى %7,5 دى قۇرايدى.
ايتا كەتسەك، ەكونوميكاسى قارقىندى ءوسىپ كەلە جاتقان ەلدەرگە ءۇندىستان، تانزانيا، دجيبۋتي، لاوس، كامبودجا، ميانما مەن فيلليپپين كىرەدى. الايدا ولاردىڭ باسىم بولىگىنىڭ مەملەكەتتىك قارىزى جوعارى دەڭگەيدە.