كاتار ازىق- تۇلىك ماسەلەسىن شەتەلدىك يمپورتپەن شەشەدى

استانا. قازاقپارات - كاتارداعى تاعام وندىرۋشىلەر شيكىزات يمپورتتايتىن جاڭا ەلدەر قاراستىرىپ جاتىر. ويتكەنى پارسى شىعاناعىنداعى بىرنەشە ەلمەن ديپلوماتيالىق قارىم- قاتىناس ۇزىلگەننەن كەيىن ازىق- تۇلىك دايىنداۋعا قاجەتتى ونىمدەر جەتىسپەيدى.

بۇعان دەيىن كاتار وزىنە قاجەتتى ءونىمنىڭ 80 پايىزىن ساۋد ارابياسىنان الىپ كەلگەن. رەسمي دوحا قازىر يران جانە تۇركيامەن كەلىسىمگە كەلىپ، ۇشاقپەن العاشقى تاۋارلار جەتكىزىلە باستادى. ال كاتاردىڭ وقشاۋلانۋىنا ءبىرقاتار ەلدىڭ ونى لاڭكەستىككە قولداۋ كورسەتىپ وتىر دەگەن ايىپتاۋى سەبەپ.

 احمەد ءال- حالاف، International Projects Development Company باسشىسى:

- ەندى شيكىزاتتى ازەربايجان، وزبەكستان ۋكراينا، رۋمىنيا، بولگاريادان يمپورتتاۋعا كوشكەلى وتىرمىز. كەلەسى اپتادا تاعى باسقا ەلدەرمەن كەلىسسوز جۇرگىزۋ ءۇشىن ساپارعا شىعامىن.

www.24.kz