استاناعا كەلگەن تاعى ءبىر تۋريست تاكسيگە وتىرىپ الدانىپ قالدى
ءتارتىپ ساقشىلارى شەتەلدىك ازاماتتى اپارعان تاكسي جۇرگىزۋشىسىن ۇستادى. ونىڭ ايتۋىنشا، اۋەجايدا تۋريستپەن بىرگە ەر ادام بولدى. ول ساتبايەۆ كوشەسىندەگى قوناق ۇيگە دەيىن جەتىپ، سول جەردە تاكسي قىزمەتى ءۇشىن 3000 تەڭگەنى تولەپ كەتكەن.
ال شەتەلدىك ازامات «دەلدالدىڭ» وزىنەن 16 مىڭ تەڭگەنى سىپىرىپ العانىن جەتكىزدى. قوناق ۇيدە ول اۋەجايدان 4000 مىڭ تەڭگەگە كەلۋگە بولاتىنىن بىلگەننەن كەيىن پوليتسياعا ارىز تۇسىرگەن.
«قازىرگى كەزدە سوتقا دەيىنگى تەرگەۋ امالدارى جۇرگىزىلۋدە. اۋەجايدا شەتەلدىك ازاماتتى تاكسيگە جولىقتىرعان ەر ادامنىڭ كىم ەكەنى انىقتالىپ جاتىر»، - دەلىنگەن باسپا ءسوز بايانىندا.
ايتا كەتەيىك، بۇعان دەيىن ءبىر تاكسي جۇرگىزۋشىسى استاناعا كەلگەن ءتۋريستى قوناق ۇيگە اپارعانى ءۇشىن 40 مىڭ تەڭگە العان. سول ءۇشىن جۇمىستان قۋىلدى. ارتىنان ول اقشانى شەتەلدىك ازاماتقا قايتارىپ بەردى.
اۆتور: ارمان اسقاروۆ