ۋنيۆەرسيتەتتە جارىلىس بولدى
09:33, 13 - ماۋسىم 2017
استانا. قازاقپارات - بۇگىن وڭتۇستىك كورەياداعى ەنسە ۋنيۆەرسيتەتىندە جارىلىس بولىپ، ءبىر مۇعالىم زارداپ شەكتى.
پوليتسيا بۇل وقيعانىڭ تەرروريستىك شابۋىل بولۋى مۇمكىن ەكەندىگىن ايتادى، دەپ حابارلايدى ت ا س س.
KBS تەلەارناسىنىڭ دەرەگى بويىنشا، جارىلىس جەرگىلىكتى ۋاقىتپەن تاڭعى ساعات 08:41 دە كيم ەسىمدى ۋنيۆەرسيتەت پروفەسسورى بەلگىسىز بىرەۋ كابينەتىنىڭ ەسىگىنە ءىلىپ كەتكەن قوراپتى اشقان كەزدە بولعان.
ول جاراقات الىپ، اۋرۋحاناعا جەتكىزىلدى. الىنعان جاراقاتتار زارداپ شەگۋشىنىڭ ومىرىنە قاۋىپ كەلتىرىپ جاتقان جوق. وقيعا ورنىنا پوليتسەي ارنايى جاساعى كەلدى. تەرگەۋشىلەر وقيعانىڭ سەبەبىن انىقتاۋدا.