قازاقستاندىق كاسىپقوي بوكسشى قىزدىڭ تيتۋلدىق ايقاستاعى قارسىلاسى انىقتالدى

استانا. قازاقپارات - كاسىپقوي بوكستاعى العاشقى قازاقستاندىق قىز فيرۋزا شاريپوۆانىڭ تيتۋلدىق ايقاستاعى قارسىلاسى بەلگىلى بولدى، دەپ حابارلايدى Sports.kz.

ف. شاريپوۆا ەكىنشى جارتىلاي جەڭىل سالماقتا WBC International تيتۋلى ءۇشىن 6- شىلدە كۇنى ماگنيتوگورسكىدە سىنعا تۇسەدى.

ونىڭ قارسىلاسى 28 جاستاعى بۇرىن-سوڭدى جەڭىلىپ كورمەگەن رەسەيلىك يۋليا كۋتسەنكو. كاسىپقوي بوكسقا 2015-جىلى قادام باسقان ول وسىعان دەيىن سەگىز رەت جەكپە-جەك وتكىزىپ، ونىڭ جەتەۋىندە جەڭىسكە جەتسە، ءبىر ويىندا تەڭ تۇسكەن.

BoxRec بەدەلدى پورتالىنىڭ نۇسقاسى بويىنشا، يۋليا رەسەيدەگى ەكىنشى جارتىلاي سالماق دارەجەسىندەگى نومەر ءبىرىنشى سپورتشى.

ەسكە سالايىق، قازاقستاندىق شاريپوۆا 30- تامىز كۇنى استانادا ەكىنشى جارتىلاي سالماق دارەجەسىندەگى WBC تۇجىرىمى بويىنشا چەمپيوندىق اتاق ءۇشىن جەكپە-جەك وتكىزۋدى جوسپارلاپ وتىر.