ليۆياداعى توپ مۋاممار كاددافيدىڭ ۇلىن قاماۋدان بوساتتى
كاددافيدىڭ ۇلى التى جىلدان بەرى زينتان قالاسىندا تۇرمەدە وتىرعان. ونى كۇزەتكەن قارۋلى توپ سەيف ءال- يسلام كاددافيگە ءولىم جازاسىن كەسكەن تريپوليدەگى سوتتىڭ ۇكىمىن ورىنداۋدان جانە تۇتقىندى رەسمي بيلىككە بەرۋدەن باس تارتقان.
كاددافيدىڭ زاڭگەرلەرى مەن تۇتقىندى كۇزەتكەن «ابۋ باكر اس- سيدديك» توبى مۇشەلەرىنىڭ مالىمدەمەسىندە سەيف ءال- يسلام كاددافيدىڭ وتكەن جىلى ەلدىڭ شىعىسىنداعى توبرۋك قالاسىندا پارلامەنت قابىلداعان راقىمشىلىق تۋرالى زاڭعا سايكەس بوستاندىققا شىققانى ايتىلعان. بۇل پارلامەنت ليۆيانىڭ حالىقارالىق قاۋىمداستىق مويىنداعان تريپوليدەگى ۇكىمەتىنە باعىنبايدى. ءىس جۇزىندە ەلدىڭ شىعىسىندا رەسمي ۇكىمەتتىڭ بيلىگى جۇرمەيدى.
اكەسى مۋاممار كاددافيدىڭ كوزى تىرىسىندە ونىڭ جاقىن سەرىكتەرىنىڭ ءبىرى بولعان سەيف ءال- يسلام كاددافيگە گااگاداعى حالىقارالىق قىلمىستىق ىستەر جونىندەگى سوت ليۆيادا 2011 -جىلعى ازامات سوعىسى كەزىندەگى قىلمىستارعا قاتىستى ايىپتار تاققان.
سەيف ءال- يسلام كاددافيدىڭ قازىر قايدا ەكەنى بەلگىسىز. كەيبىر حابارلاردا ونىڭ ليۆيانىڭ سولتۇستىك- شىعىسىنداعى ءال- بايدا قالاسىنا كەتكەنى ايتىلادى.
www.azattyq.org