ەكسپوعا سينگاپۋر ەلىن باستاپ كەلگەن باسشى «ازىرەت سۇلتان» مەشىتىن كورىپ، تاڭعالدى - فوتو

استانا. قازاقپارات - «ەكسپو 2017» حالىقارالىق كورمەسىنىڭ اشىلۋ سالتاناتىنا كەلگەن سينگاپۋر ەلىنىڭ ۇلتتىق دەلەگاتسيا باسشىسى، پارلامەنت ءتوراعاسى حاليما ياكوب استانا قالاسىن ارالاپ، كورىكتى جەرلەرىن تاماشالاۋدى ەڭ الدىمەن رەسپۋبليكالىق «ازىرەت سۇلتان» مەشىتىنەن باستاعان ءجون ساناپتى دەپ حابارلايدى Muslim.kz.

ەلىمىزدىڭ باس مەشىتىنە ارنايى ات باسىن تىرەگەن قۇرمەتتى قوناقتاردى «ازىرەت سۇلتان» مەشىتىنىڭ نايب يمامى باقىتجان وتكەلبايەۆ قارسى الىپ، قۇلشىلىق ورداسىنىڭ تىنىس-تىرشىلىگىمەن تانىستىردى.

«ازىرەت سۇلتان» مەشىتىنىڭ ادەمىلىگىنە ەرەكشە تاڭدانىس بىلدىرگەن حاليما ياكوب قۇلشىلىق ورداسىنداعى جادىگەرلەرگە دە جوعارى باعاسىن بەرىپ، ءتىپتى، سۋرەتكە دە ءتۇسىرىپ الدى.

سونداي-اق، مەشىتتەگى جازعى ساۋات اشۋ كۋرسىنىڭ ساباعىنا قاتىسىپ، بالدىرعاندارمەن پىكىر الماستى.