اۆستريا استانادا ەنەرگيا وندىرەتىن جاتتىقتىرۋ- پاۆيلونىن اشتى- فوتو
مەملەكەت بۇل كورمەگە ويىن تۇرىندە ۇيىمداستىرىلعان «اۆستريا - دەنە كۇشى، اقىل جانە جان» ۇرانىمەن قاتىسپاق. 870 شارشى مەتردى قامتيتىن پاۆيلون ءتۇرلى جاتتىعۋ قۇرىلعىلارمەن جابدىقتالعان، ولار ەنەرگيا ءوندىرىپ، مۋزىكا وينايدى جانە سالقىن سامال شىعارادى.
اۆستريا جايلى ۆيدەوروليكتى كورۋ ءۇشىن پاۆيلون قوناقتارىنىڭ بارلىعىنا بىرلەسىپ ۆەلوسيپەد تەبۋگە تۋرا كەلەدى. ارقان تارتىپ، اتكەنشەك تەۋىپ، تەتىكتى اينالدىرعاندا عانا جارىقتار جانىپ، دەكوراتسيالار اينالىپ، مۋزىكالىق اسپاپتاردىڭ ىسكە قوسىلادى.
سونىمەن قاتار، شاينەكتىڭ قايناۋى، شامداردىڭ جانۋى، ينتەرنەت جەلىسىنىڭ ىزدەۋ جۇيەسىندە ءبىر تەتىكتى باسۋ، ۇشاق نەمەسە ماشينانى وتالدىرۋ ءۇشىن ەلەكتر شىعارۋدىڭ قانشالىقتى قيىن ەكەندىگى ايقىن كورسەتىلەدى. ساۋلەتشىلەردىڭ ويىنشا بۇل قۇرىلعى ەنەرگيا جەتكىزۋشى ورنىنا تەك بۇلشىق ەت كۇشى جۇمسالاتىن ادام الەۋەتىنە نازار اۋدارتادى. اۆستريادا جوعارى تەحنولوگيالارمەن اينالىساتىن جانە بۇل سالادا ءساتتى قادامدار جاساپ كەلە جاتقان كومپانيالاردىڭ كوپتىگىنە قاراماستان، پاۆيلون قۇراستىرۋشىلارىنىڭ پىكىرىنشە بولاشاقتا قانداي ەنەرگيا بولاتىندىعىن تەك ادام عانا ايقىنداي الادى.