مەملەكەت باسشىلارى ەكسپو اۋماعىنا كەلۋدە – تىكەلەي كورسەتىلىم، كەسكىن
ءدال قازىرگى ۋاقىتتا كورمەنىڭ اشىلۋىنا كەلگەن پرەزيدەنتتەر مەن ۇكىمەت باسشىلارىنىڭ كورتەجدەرى ەكسپو اۋماعىنا بىرتىندەپ كەلىپ جاتىر، دەپ حابارلايدى قازاقپارات.
بۇعان دەيىن حابارلاعانىمىزداي، كورمەنىڭ اشىلۋىنا 17 ەلدىڭ مەملەكەت جانە ۇكىمەت باسشىلارى قاتىسادى دەپ كۇتىلۋدە. ولاردىڭ قاتارىندا ش ى ۇ- نىڭ استانا سامميتىنە كەلگەن ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى المازبەك اتامبايەۆ، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون، اۋعانستان پرەزيدەنتى اشراف گاني احمادزاي، موڭعوليا پرەزيدەنتى تساحياگين ەلبەگدورج، بەلارۋس پرەزيدەنتى الەكساندر لۋكاشەنكو، ءۇندىستان پرەمەر-ءمينيسترى نارەندرا مودي مەن پاكىستان يسلام رەسپۋبليكاسىنىڭ پرەمەر-ءمينيسترى مۋحاماد ناۆاز شاريف بار.
سونىمەن قاتار يسپانيا كورولى فيليپپ VI، سەربيا پرەزيدەنتى الەكساندر ۆۋچيچ، ليۋكسەمبۋرگ ۇلى گەرتسوگتىگىنىڭ پرەمەر-ءمينيسترى كساۆە بەتتەل دە كورمەنىڭ رەسمي اشىلۋىنا مارتەبەلى قوناق رەتىندە ارنايى كەلگەن بولاتىن.
ايتا كەتەيىك، «ەكسپو-2017» ت م د ەلدەرىندە وتەتىن العاشقى كورمە بولماق. 2012-جىلدىڭ 22- قاراشاسىندا پاريج قالاسىندا وتكەن حالىقارالىق كورمەلەر بيۋروسى (ح ك ب) EXPO حالىقارالىق بيۋروسىنىڭ باس اسسامبلەياسىنىڭ 152- سەسسياسىندا قازاقستان ەكسپو كورمەسىن وتكىزۋ قۇقىعىن جەڭىپ الدى.
جاسىرىن داۋىس بەرۋ قورىتىندىسى بويىنشا، استانا 103 داۋىس جيناپ، بەلگيانىڭ لەج قالاسىن باسىپ وزدى. اۋماعى 25 گەكتاردى قۇرايتىن كورمە كەشەنىندە 115 مەملەكەتتىڭ پاۆيلونى ورنالاسقان. ولاردىڭ قاتارىندا ا ق ش، قىتاي، ۇلى بريتانيا، فرانسيا، گەرمانيا، رەسەي، جاپونيا، وڭتۇستىك كورەيا جانە 0 جاڭارتىلاتىن ەنەرگيا كوزدەرى ەسەبىنەن ءومىر سۇرەتىن العاشقى ەل -كوستا-ريكا بار.
ب ۇ ۇ، ش ى ۇ، ماگاتە، ەسكاتو سىندى 22 حالىقارالىق ۇيىم دا «ەكسپو-2017» كورمەسىنە قاتىساتىندارىن رەسمي تۇردە راستادى. ۇيىمداستىرۋشىلاردىڭ مالىمەتتەرىنە سۇيەنسەك، كورمە وتەتىن ءۇش ايدا استاناعا 2,4 ميلليون ادام كەلەدى. ولاردىڭ 15 پروتسەنتى - شەتەلدىك تۋريستەر.