ش ى ۇ- عا مۇشە مەملەكەت باسشىلارى تەرروريزمگە قارسى كۇرەس تۋرالى بىرلەسكەن مالىمدەمە قابىلدايدى
بۇل تۋرالى بۇگىن ەلوردادا ءوتىپ جاتقان ۇيىم سامميتى بارىسىندا ق ر پرەزيدەنتى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات.
ەلباسى ءوز سوزىندە ش ى ۇ- نىڭ بۇگىنگى قىزمەتى گەوساياساتتاعى سوڭعى تەندەنسيالاردى، الەمدىك ەكونوميكاداعى بازالىق ترەندتەردى ەسكەرەتىندىگىن اتاپ ءوتتى. بارلىق بىرلەسكەن شەشىمدەردى ءتيىمدى جۇزەگە اسىرۋ بارىسىنداعى نەگىزگى ماقساتتارعا رەت- رەتىمەن قول جەتكىزۋگە باعىتتالعان جۇيەلى جۇمىستار اتقارىلىپ جاتقاندىعىن ايتتى.
«جاڭا سىن- قاتەرلەرگە، تۇراقتىلىق پەن قاۋىپسىزدىككە قاتىستى ماسەلەلەرگە ايرىقشا ءمان بەرىلەدى. ماسەلەن، وسى سامميت اياسىندا حالىقارالىق تەرروريزمگە بىرلەسىپ قارسى تۇرۋ جونىندەگى مالىمدەمە قابىلداۋ، سونىمەن قاتار ەكسترەميزمگە قارسى ءىس- قيمىل جونىندەگى كونۆەنتسياعا قول قويۋ جوسپارلانعان. بۇل وسىناۋ جاھاندىق زۇلىمدىققا كۇرەستەگى ش ى ۇ- نىڭ ماڭىزدى ۇلەسى بولادى»، - دەدى قازاقستان پرەزيدەنتى.
مۇنان بولەك، مەملەكەت باسشىسى وتىرىستىڭ كۇن تارتىبىندە تەك ۇيىم ءۇشىن عانا ەمەس سونىمەن بىرگە حالىقارالىق قوعامداستىق ءۇشىن دە ماڭىزدى ءبىرقاتار ماسەلەنىڭ قارالاتىندىعىن اتاپ ءوتتى.
ايتا كەتەرلىگى قازىرگى ۋاقىتتا شاعىن قۇرامداعى وتىرىس جابىق وتۋدە. وعان ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى المازبەك اتامبايەۆ، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون قاتىسۋدا.
اۆتور: مارلان جيەمباي