قازاقپارات ەكسپو كورمەسىنىڭ اشىلۋ سالتاناتىن كورسەتەدى

استانا. قازاقپارات - «قازاقپارات» حالىقارالىق اقپارات اگەنتتىگى قازاقستاننىڭ ەلورداسى استانا قالاسىندا وتەتىن ەكسپو كورمەسىنىڭ اشىلۋ سالتاناتىنان تىكەلەي ترانسلياتسياسىن قامتاماسىز ەتەدى.

 كورمەنىڭ اشىلۋ سالتاناتىنىڭ رەسمي بولىگى 9 - ماۋسىمدا استانا ۋاقىتىمەن ساعات 20:17-دە باستالادى. 2012 -جىلدىڭ 22 - قاراشاسىندا فرانسيانىڭ استاناسى پاريج قالاسىندا حالىقارالىق كورمەلەر بيۋروسىنىڭ (ح ك ب) EXPO حالىقارالىق بيۋروسى باس اسسامبلەياسىنىڭ 152- سەسسياسى بارىسىندا قازاقستان ەكسپو كورمەسىن وتكىزۋ قۇقىعىن جەڭىپ الدى. جاسىرىن داۋىس بەرۋ قورىتىندىسى بويىنشا استانا ءۇشىن ح ك ب- نىڭ 103 مۇشە- مەملەكەتى قولداۋ بىلدىرگەن، ال بەلگيالىق لەج قالاسى 44 داۋىس جينادى.

 «ەكسپو-2017» كورمەسىن وتكىزۋ قازاقستان ءۇشىن حالىقارالىق دەڭگەيدە العا جىلجۋىندا ۇلكەن قادام بولماق. EXPO-2017 حالىقارالىق كورمەسىن وتكىزۋگە نيەتتى قازاقستان الەمدىك قاۋىمداستىققا «بولاشاق ەنەرگياسى» تاقىرىبىن ۇسىنعانى بەلگىلى. كورمە 10 - ماۋسىم مەن 10 - قىركۇيەك ارالىعىندا وتەدى. ەكسپو-2017 ت م د ەلدەرىندە وتەتىن العاشقى كورمە بولماق. استاناداعى بۇكىلالەمدىك كورمە 3 ايعا دەيىن جالعاساتىن بولادى. «ەكسپو-2017» حالىقارالىق كورمەسىنىڭ سالتاناتتى اشىلۋ راسىمىنە 17 مەملەكەت پەن ۇكىمەت باسشىسى قاتىسادى. ۇيىمداستىرۋشىلاردىڭ مالىمەتتەرى بويىنشا، كورمەگە 2,4 ميلليون ادام كەلەدى. ولاردىڭ 15 پروتسەنتى شەتەلدىك تۋريست بولماق. ەكسپو كورمەسى كەشەنىنىڭ اۋماعى 25 گەكتاردى قۇرايدى. كورمەگە 100-دەن استام مەملەكەت وكىلدەرى، كاسىپورىندار مەن ۇيىمداردىڭ قىزمەتكەرلەرى قاتىسادى.