ەلباسى ش ى ۇ سامميتىنىڭ قاتىسۋشىلارىنا ارنالعان كونسەرتتى تاماشالادى-فوتو

استانا. قازاقپارات - مەملەكەت باسشىسى شاڭحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىنا قاتىسۋشىلارعا ارنالعان كونسەرتكە قاتىستى،

 دەپ حابارلايدى اقوردانىڭ باسپا ءسوز قىزمەتى.

كونسەرتتە قازاقتىڭ حالىق اندەرى جانە ءارتۇرلى ەلدەردىڭ اۋەندەرى، سونداي- اق الەمگە ايگىلى كلاسسيكالىق شىعارمالار ورىندالدى. شاراعا ش ى ۇ- عا مۇشە مەملەكەتتەردىڭ بەلگىلى شىعارماشىلىق ۇجىمدارى قاتىستى.

ولاردىڭ قاتارىندا، «استانا وپەرا» وپەرا جانە بالەت تەاترىنىڭ سيمفونيالىق وركەسترى، اباي اتىنداعى قازاق مەملەكەتتىك اكادەميالىق وپەرا جانە بالەت تەاترى مەن «استانا بالەت» تەاترىنىڭ توپتارى، سونداي- اق م. پياتنيتسكي اتىنداعى مەملەكەتتىك اكادەميالىق ورىس حالىق حورى (رەسەي)، «نادام» بي ۇجىمى (ءۇندىستان)، «اكاك» قومىزشىلار ءانسامبلى (قىرعىزستان)، جىجياڭ پروۆينتسياسىنىڭ اكروباتتىق ونەر ترۋپپاسى مەن قىتايدىڭ وپەرا جانە بي مەملەكەتتىك تەاترى، «گۇلرەز» بي ءانسامبلى (تاجىكستان)، «وزبەكستان» ءان مەن بي مەملەكەتتىك ءانسامبلى بار.