چىڭ لۇڭ قازاق بالاسىنىڭ تۇساۋىن كەستى - كەسكىن
15:15, 08 - ماۋسىم 2017
استانا. قازاقپارات - قىتايلىق تانىمال اكتەر جەكي چان قازاق بالاسىنىڭ تۇساۋىن كەستى، دەپ حابارلايدى قازاقپارات.
الەۋمەتتىك جەلىدە جەكي چاننىڭ كىشكەنتاي قازاق قىزدارىنىڭ تۇساۋىن كەسىپ جاتقان بەينە جازبا پايدا بولدى . وندا، قۇرمەتتى قوناقتاردىڭ ارنايى دايىندالعان اق جايمانىڭ ۇستىندە قولىنا قايشى الىپ، تۇساۋ كەسەر ءراسىمىن جاساپ جاتقانى انىق بايقالادى .
ەسكە سالا كەتەيىك، الەمدىك اكتەر، كاسكادёر، كينورەجيسسەر، كينوپروديۋسەر، سەناريست، ءانشى، ميلليونداعان كورەرمەننىڭ سۇيىكتىسىنە اينالعان اڭىز ادام - دجەكي چان قازاقستان- قىتاي كينوفەستيۆالىنىڭ اشىلۋ سالتاناتىنا ارنايى كەلگەن بولاتىن. شارانىڭ باستى ۇيىمداستىرۋشىلارى - «قازاقستان» رەسپۋبليكالىق تەلەراديوكورپوراتسياسى مەن ق ح ر ءباسپاسوز، باسپا، راديو، كينو جانە تەليەۆيزيا ءىسى جونىندەگى مەملەكەتتىك باسقارماسى .
ريزابەك نۇسىپبەك ۇلى