كاتارمەن ديپلوماتيالىق قاتىناستارىن وسىمەن ون ەل توقتاتتى
15:03, 08 - ماۋسىم 2017
استانا. قازاقپارات - كومور ارالدارى كاتارمەن ديپلوماتيالىق قاتىناستارىن ءۇزدى. بۇل تۋرالى كومور ارالدارى وداعىنىڭ سىرتقى ىستەر مينيسترلىگىندە ايتىلدى، دەپ جازدى بۇگىن korrespondent.net.
مالىمدەمەدە كومورداعى كاتار ەلشىسى ەلدەن كەتۋى قاجەتتىگى اتالىپ وتەدى.
كومور ارالدارى وداعى شىعىس افريكادا جانە موزامبيك بۇعازىنىڭ سولتۇستىك بولىگىندەگى ءۇندىستان مۇحيتىندا ورنالاسقان. كومور ارالدارى وداعى فەدەراتيۆتىك پرەزيدەنتتىك رەسپۋبليكا بولىپ تابىلادى.
بۇل كاتارمەن ديپلوماتيالىق قاتىناستى ۇزگەن ونىنشى ەل. بۇدان بۇرىن قاتىناستى ماۆريتانيا، يەمەن، ليۆيا، باحرەين، مىسىر، ب ا ءا، ساۋد ارابيا، ماۆريكي جانە مالديا رەسپۋبليكالارى توقتاتقان بولاتىن.
كاتار «يسلام مەملەكەتىن» قارجىلاندىردى دەپ ايىپتالۋدا. بۇدان باسقا، دوحا، ولاردىڭ پىكىرىنشە، باسقا مەملەكەتتەردىڭ ىشكى ىستەرىنە ارالاسۋ ارەكەتتەرىن قابىلدايدى. كاتار بۇل ايىپتى تەرىسكە شىعارىپ، مۇنىڭ جالعان ەكەنىن ايتۋدا.