استانادا قىتايدىڭ ءداستۇرلى مەديتسينا ورتالىعى اشىلدى
سونداي- اق، شاراعا ق ر دەنساۋلىق ساقتاۋ ءمينيسترى ەلجان ءبىرتانوۆ، ق ر پرەزيدەنتى ءىس باسقارماسى مەن مەديتسينالىق ورتالىقتىڭ باسشىلىعى، قىتايدان كەلگەن سەرىكتەستەر قاتىستى. ءوزىنىڭ قۇتتىقتاۋ سوزىندە گۇلشارا ءابدىقالىقوۆا ەكى ەل اراسىنداعى ديپلوماتيالىق قارىم- قاتىناستاردىڭ ورناعانىنا 25 جىل تولعانىن اتاپ ءوتتى. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپيننىڭ اراسىندا جىلى دوستىق قارىم- قاتىناس قالىپتاسقانىن دا ايرىقشا ايتىپ ءوتتى. سونىڭ ناتيجەسىندە ەكىجاقتى ىنتىماقتاستىقتىڭ جوعارى دەڭگەيى مەن سەنىمدى ديالوگ ورناپ، تاراپتار ءوزارا ارىپتەستىكتى نىعايتۋعا مۇددەلى بولىپ وتىر. مەملەكەتتىك حاتشى قىتاي مەديتسيناسىنىڭ تامىرى تەرەڭدە جاتقان جۇيە ەكەنىن، دارىگەرلەردىڭ مىڭداعان جىلدار بويى جيناقتاعان تاجىريبەسىنە نەگىزدەلەتىنىن ايتتى.
«ءداستۇرلى قىتاي مەديتسيناسى ءوز تامىرىن تەرەڭنەن الادى. اتالعان مەديتسينانىڭ فيلوسوفياسى بىزگە جاقسى تانىس، وندا ادامزات تۇتاس قورشاعان ورتامەن تىعىز بايلانىستا زەرتتەلەدى. سول سەبەپتى، بىزدە عىلىمي مەديتسينامەن قاتار بالامالى مەديتسينا تۇرلەرى دە بولۋ كەرەك. بۇل ورتالىقتىڭ ەكسپو قارساڭىندا اشىلۋى دا ەستە قالارلىق» ، - دەدى گۇلشارا ءابدىقالىقوۆا.
ءوز كەزەگىندە ق ر پرەزيدەنتى ءىس باسقارماسىنىڭ مەديتسينالىق ورتالىعىنىڭ باسشىسى ۆالەري بەنبەرين ورتالىقتا 5 قىتايلىق ماماننىڭ جۇمىس ىستەيتىنىن ءمالىم ەتتى. ء«داستۇرلى قىتاي مەديتسيناسى - اعزانىڭ ساۋلىعى، جان مەن ءتاننىڭ جاي- كۇيى تۋرالى تەرەڭ ءىلىم. ءداستۇرلى قىتاي مەديتسيناسى الەمنىڭ 140 ەلىندە مويىندالعان جانە زاماناۋي مەديتسينامەن قاتار قولدانىلادى. ورتالىقتا دياگنوستيكا مەن ەمدەۋدىڭ تاڭداۋلى ادىستەرى جۇرگىزىلەدى» ، - دەدى ول. ورتالىق قىزمەتى اقىلى تۇردە جۇزەگە اسادى. الۋان ءتۇرلى ماسساجدار، ينە- رەفلەكس تەراپياسى، بانكالىق ماسساج، پسيحو- فيزيولوگيالىق ەم تۇرلەرى ۇسىنىلادى. ودان بولەك، ورتالىق جانىندا الەمگە تانىمال TongRenTang ەمدىك شوپتەر ءدارىحاناسى جۇمىس ىستەيدى. بۇل قازاقستان اۋماعىندا اشۋعا رۇقسات بەرىلگەن بىردەن ءبىر ءدارىحانا.
اۆتور: ايجان سەرىكجان قىزى