قازاقستاننىڭ «حابار» اگەنتتىگى مەن شىنجاڭ تەلەارناسى اراسىندا كەلىسىم جاسالدى
شىنجاڭ ايماقتىق تەلەارناسى مەن «حابار» اگەنتتىگى اراسىندا كەلىسىم جاسالىپ، تاراپتار شىعارماشىلىق بايلانىستى نىعايتۋعا ۋاعدالاستى. ەندى ەكى تەلەارنا دايىن باعدارلامالارمەن الماسىپ، بىرلەسكەن جوبالاردى جۇزەگە اسىرۋى مۇمكىن.
«جىبەك جولىنداعى قويىلىم» تاقىرىبىنداعى اگەنتتىكتىڭ بىرنەشە ءتول تۋىندىسى قىتايدا تاراتىلادى. ەسەسىنە شىنجاڭ جەرىندە تۇسىرىلگەن تەلەونىمدەردى قازاق كورەرمەندەرى تاماشالاي الادى.
رينات كەرتايەۆ، «حابار» اگەنتتىگى» ا ق باسقارما ءتورايىمىنىڭ ورىنباسارى:
- شي جينپيڭ مىرزانىڭ قازاقستانعا مەملەكەتتىك ساپارىنىڭ قارساڭىندا قىتايلىق اقپارات قۇرالدارى مەن قازاقستان تەلەارنالارى اراسىندا ىنتىماقتاستىقتى دامىتۋعا ارنالعان بىرنەشە ءىس- شارا ءوتىپ جاتىر. سونىڭ ءبىرى - بۇگىنگى «شىنجاڭ» ايماقتىق تەلەارناسى مەن «حابار» اگەنتتىگىنىڭ اراسىنداعى ىنتىماقتاستىق جونىندەگى كەلىسىمشارت. بۇل كەلىسىمشارتتىڭ باستى ماقساتى - ەكى ەل اراسىنداعى تەلەۆيزيا سالاسىندا ءونىم الماسۋ، ورتاق تەلەۆيزيالىق باعدارلامالار، جوبالار جاساۋ، سونداي- اق ماماندار تاجىريبەسىن بىرلەسە وتىرىپ جەتىلدىرۋگە باعىتتالعان ءىس- شارالار جاساۋ بولىپ تابىلادى.
پەن كاي، شىنجاڭ تەلەۆيدەنيەسى جاڭالىقتار ورتالىعىنىڭ ديرەكتورى:
- قىتايدا تۇراتىن قازاقتار سانى ءبىرشاما. «حابار» ۇسىناتىن تەلەونىمدەر ولار ءۇشىن ماڭىزدى ەكەنىن ايتايىن. دەمەك بۇل جاقتان باراتىن باعدارلامالاردىڭ تۇراقتى اۋديتورياسى بار. ساپالى ونىمدەردى ءتىپتى بۇكىل قىتاي تۇشىنا تاماشالايدى دەپ ويلايمىن.
www.khabar.kz