ەكسپو- عا كەلگەن ءاربىر تۋريست قانشا قارجى جۇمسايدى؟
بۇل تۋرالى LS باسىلىمى جازادى. «قازتۋر» اگەنتتىگىنىڭ ديرەكتورى التاي وماروۆتىڭ ايتۋىنشا، شەتەلدەن كەلگەن ءاربىر تۋريست ورتا ەسەپپەن، 400 ا ق ش دوللارىن جۇمسايدى. بۇل كورسەتكىش ەكسپو- عا وراي وتكەن جىلمەن سالىستىرعاندا 5-6 ەسەگە ءوسىپ وتىر.
«كولساي جانە شارىن سىندى تۋريستىك نىساندارعا باراتىن ينفراقۇرىلىم دامىماعان. سوندىقتان دەمالىس ورىندارى الماتى مەن استانا قالالارىنىڭ ماڭى بولىپ قالا بەرەدى. دەسە دە، اتالعان قالالاردان ۇيىمداستىرىلاتىن ءبىر كۇندىك ەكسكۋرسيالار تۋريستەرگە ءتيىمدى بولماق»، - دەيدى وماروۆ مىرزا.
«قازتۋر» اقپاراتىنا وراي، بۋراباي مەن الاكول سۇرانىسقا يە بولماۋى مۇمكىن. سەبەبى اتالعان جەرلەردە دەمالۋعا كەيبىر تۋريستەردىڭ قالتاسى كوتەرمەيدى. سونداي- اق، ولاردىڭ قىزمەت كورسەتۋ ساپاسى مەن ينفراقۇرىلىمى باعاسىنا ساي ەمەس. وماروۆ مىرزا شەتەلدىك تۋريستەر ءۇشىن ەڭ ءتيىمدى دەمالىس ورىندارى رەتىندە ورمان ەرتەگىسى مەن شىمبۇلاقتى اتاپ ءوتتى.
Massaget.kz