ا ق ش- تا ايەل ءبىر جاسار قىزىن جىلانعا شاقتىردى
امەريكالىققا جىلاندى بالانى شاعۋعا ادەيى ماجبۇرلەگەن دەگەن ايىپ تاعىلىپ وتىر. اناسى ونىڭ دەنساۋلىققا زيانى جوق دەپ ەسەپتەگەن كورىنەدى. شىنىندا دا باۋىرىمەن جورعالاۋشىنىڭ بۇل ءتۇرى ۋسىز. دەگەنمەن ايەلگە جانۋارلار مەن بالالارعا قاتالدىق كورسەتكەنى ءۇشىن ءۇشىن ايىپ تاعىلدى.
«ول مەنى جانە مەنىڭ بالامدى بىرنەشە رەت شاقتى، ءبىراق ورنىندا ەشقانداي ءىز قالعان جوق. مەن وسىلاي ەتۋ - بالانى جىلانمەن تانىستىرۋدىڭ جاقسى مۇمكىندىگى دەپ ويلادىم». اتى- ءجونى ايتىلماي وتىرعان ايەل وسىلاي اقتالدى.
ول فلوريدا شتاتىندا، حايلەندس اۋىلدىق وكرۋگىندە تۇرادى. ايەل بالالارىنىڭ جابايى جانۋارلارمەن ەتەنە جاقىن بولعانىن قالايتىندىعىن ايتادى.
«مەنى تانيتىن جاندار ءوز بالاما ەشقاشاندا جامانشىلىق جاسامايتىنىمدى بىلەدى. ال بۇل جىلاننىڭ تىستەرى وتە مايدا جانە ءسابيدىڭ تەرىسىنە ەش زيان كەلتىرمەيدى»، - دەيدى ول.