دەپ حابارلايدى pavlodarnews.kz.
وبلىستىق ءبىلىم بەرۋ باسقارماسى ۇسىنعان اقپاراتقا سۇيەنسەك، بيىل وڭىردە 3738 تۇلەك مەكتەپ بىتىرەدى. ونىڭ ىشىندە جالپى ورتا ءبىلىم تۋرالى ەرەكشە ۇلگىدەگى اتتەستات جانە «التىن بەلگى» توسبەلگىسىنىڭ ۇمىتكەرلەرى - 146. پاۆلودار قالاسىنىڭ جالپى ءبىلىم بەرەتىن جانە مامانداندىرىلعان مەكتەپتەردىڭ 1481 تۇلەگى ءۇشىن «جاس تولقىن-2017» سالتاناتتى كەشى 2017 -جىلعى 10- ماۋسىم ساعات 21.00-دەن 24.00-گە دەيىن ورتالىق ستاديوندا وتەدى.
باعدارلاماعا سايكەس جاستارعا جالپى ورتا ءبىلىم تۋرالى ەرەكشە ۇلگىدەگى اتتەستات جانە «التىن بەلگى» توسبەلگىسى سالتاناتتى تۇردە تابىستالىپ، وبلىس اكىمىنىڭ اتىنان باعالى سىيلىقتار (نوۋتبۋكتەر) سىيعا تارتىلادى. سونداي- اق، وتاندىق ەسترادانىڭ اتاقتى ارتىستەرى ونەر كورسەتىپ، وت شاشۋ بولادى.
«ءبىز جىلداعىداي تۇلەكتەر اراسىندا ساۋالناما جاسادىق. پاۆلودارلىقتاردىڭ باسىم بولىگى قايرات پەن الىشەردى كورگىلەرى كەلەدى. دەگەنمەن ولاردىڭ كەلۋى، كەلمەۋى بەلگىسىز، ناقتى شەشىم 8-ماۋسىم كۇنى شىعارىلادى»، - دەدى وبلىستىق مادەنيەت، مۇراعاتتار جانە قۇجاتتاما باسقارماسىندا.