قىران بولىپ ءومىر ءسۇرىڭىز
ادام بالاسى دۇنيەگە كەلگەن سوڭ وزىنە بەرىلگەن عۇمىرىن جاساپ بىتكەنگە دەيىن جاقسى امال جاساپ، ەل ماقتاعان، جۇرت جاقسى كورگەن ازامات بولۋى كەرەك. ارينە جۇرتتىڭ بارىنە جاعا بەرمەسسىز، باستىسى جاقسى بولىڭىز. ەڭبەكقورلىق پەن ازاماتتىق ۇستانىمدى قاتار العان ەردىڭ جۇگى جەڭىل بولماق. ول قالاي؟
قىراندارشا ءومىر ءسۇرىڭىز!
بيىك جارتاستىڭ شىڭىندا ءومىر سۇرەتىن، كوكتەن عانا جەرگە كوز سالىپ، جەمتىگىن تۇياعىمەن قاپسىرا قىسىپ اۋلايتىن قىراندار جەر بەتىندەگى ەڭ قاسيەتتى قۇستاردىڭ ءبىرى. ولار قىرىق جاسقا كەلگەن كەزدە كارىلىك جەڭىپ، تىرناقتارى سوياۋداي بولىپ ءوسىپ، جەمتىگىن ۇستاۋعا جارامسىز بولىپ قالادى. قاناتى مەن كەۋدەسى سالماق الىپ، اۋىرلاپ كوكتە سامعاۋىنا كەدەرگى جاسايدى. وسى كەزدە قىراننىڭ الدىندا ەكى تاڭداۋ بولدى: نە ءولىم، نە ءجۇز ەلۋ كۇنگە سوزىلاتىن قاسىرەتتى قيىندىق. قىراندار ەشقاشان ءولىمدى تاڭداعان ەمەس، ولار ءجۇز ەلۋ كۇندىك قاسىرەتكە تولى، قيىندىققا تولى كۇندى تاڭداعان. ءوزىنىڭ شىڭداعى ۇياسىنا ۇشىپ بارىپ، سوندا ەم جاسايدى. جارتاسقا تۇياعىن ۇيكەلەپ- ۇيكەلەپ تۇياق ءتۇسىپ قالعانشا، قاناعانشا شىدايدى. كەيىن جاڭا جاس تۇياقتىڭ ءوسۋىن كۇتەدى. جاڭا تۇياق وسكەن كەزدە قىران اۋىر تارتقان كەۋدەسى مەن قاناتىن قومداپ، كوككە سامعايدى. بەس ايعا سوزىلعان وسىنداي قيىن ساتتەردەن كەيىن قىران تاعى دا وتىز جىل ءومىر سۇرە الادى.
ءيا، ادام بالاسىنا اسىرەسە ەرلەرگە قىراندارشا ءومىر ءسۇرۋ كەرەك. قيىندىق تۋسا قاشىپ، اۋىر بولسا جەڭىلىپ، ەڭبەك بولسا ەرىنۋدەن اۋلاق بولۋ كەرەك. باسى قاتتى بولعان ءىستىڭ اياعى ءتاتتى بولادى. ىسكە ءسات، ازامات!
Massaget.kz