قىزىلوردالىق ەسكى كولىكتەن اۋىل شارۋاشىلىعىنا جارامدى «دجيپ» جاساپ الدى - فوتو

استانا. قازاقپارات - قىزىلوردا وبلىسى ارال قالاسىنىڭ تۇرعىنى ەرتاي الىمبەتتى جەرگىلىكتى حالىق جاقسى تانيدى.

 1947 -جىلى شىعارىلعان گاز-67 ماركالى اۆتوكولىگىن جارامدى ەتىپ ايداپ جۇرگەن ازاماتتىڭ شەبەرلىگى راسىمەن تاڭعالدىرادى.

 بۇل تۋرالى Stan.kz سايتىنىڭ وڭىردەگى ءتىلشىسى جازدى.

بۇل كولىكتى ەرتاي الىمبەتتىڭ اكەسى وسىدان 70  جىل بۇرىن رەسەيدەن الىپ اكەلىپتى. سول ۋاقىتتان بەرى تۇرمىسقا پايدالانىلىپ كەلەدى. 2007 -جىلى راقىمشىلىق اياسىندا كولىگىنىڭ قۇجاتتارىن زاڭداستىرىپ الىپتى.

"بۇل كولىكتى بالا كەزىمىزدەن جۇرگىزىپ كەلە جاتىرمىز. كوشەدە كەتىپ بارا جاتساڭ، ءبارى تاڭعالىپ قارايدى. شارۋاشىلىققا وتە قولايلى. بۇزىلعان جەرىن ءوزىم جوندەپ الامىن"، - دەيدى شوپىر.

 ەڭ قىزىعى، بۇل كولىككە شەتەل ازاماتتارى ايرىقشا قىزىعۋشىلىق تانىتىپ وتىر ەكەن. تىپتى قوماقتى قاراجاتقا ساتىپ العىلارى كەلگەندەر دە بولىپتى. بىراق، كولىك يەسى بۇل ۇسىنىستاردان باس تارتقانىن ايتادى. تەك ارالعا كينو تۇسىرۋگە كەلەتىندەرگە كولىكتى پايدالانۋعا رۇقسات بەرەدى ەكەن.