ەلباسى ەڭبەكتەرى قىتاي تىلىنە اۋدارىلدى
13:26, 05 - ماۋسىم 2017
استانا. قازاقپارات - ەرتەڭ ەلباسى كىتاپحاناسىندا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ تاڭدامالى ەڭبەكتەرى جيناعىنىڭ قىتاي تىلىندەگى نۇسقاسى تانىستىرىلادى، دەپ حابارلايدى قازاقپارات.
ەڭبەكتەر جيناعى قازاقستان رەسپۋبليكاسى پرەزيدەنتى كەڭسەسىنىڭ قولداۋىمەن دايىندالعان. ونى قىتاي الەۋمەتتىك عىلىمدار اكادەمياسى (بەيجىڭ ق.) قىتاي تىلىنە ءتارجىمالاپ، باسپادان شىعارۋ جۇمىستارىن جۇزەگە اسىردى. جيناققا الەمدىك جۇرتشىلىعى ەلەۋلى جاڭالىق رەتىندە قابىلداعان جانە ولاردىڭ ۇلكەن قىزىعۋشىلىعىن تۋدىرعان ەلباسىنىڭ جولداۋلارى، ماقالالارى جانە سويلەگەن سوزدەرى ەندى. تۇساۋكەسەر شاراسى بارىسىندا ەلباسى كىتاپحاناسىنا قىتاي تىلىندە جارىق كورگەن جيناقتىڭ العاشقى 50 داناسى سىيعا تارتىلدى. تانىستىرىلىمعا قىتاي الەۋمەتتىك عىلىمدار اكادەمياسىنىڭ پرەزيدەنتى ۆان ۆەيگۋان، ەلىمىزدەگى ق ح ر ەلشىلىگىنىڭ، ەلباسى كىتاپحاناسىنىڭ، عىلىمي جانە مادەني قاۋىمداستىق وكىلدەرى قاتىسادى.
اۆتور: مارلان جيەمباي