قىتايداعى قازاقتار جاڭا مەديا جوبانى دامىتۋدا - فوتو
شارانى قىتايداعى قازاقتار اراسىندا كەڭ تانىمالدىققا يە شىنجاڭ- ۇيعىر اۆتونوميالىق ولكەسىنىڭ تەلەراديو كەشەنى جانىنداعى ۆيدەو روليكتەردى تاراتۋ جونىندەگى Bawrsak ينتەرنەت- تۇعىرناماسى، سونىمەن قاتار قىتاي تىلىندەگى ميكروبلوگتار اراسىندا قازاق مادەنيەتىن ناسيحاتتايتىن «ساق تايپاسى» بلوگى ۇيىمداستىرعان.
كورەرمەننىڭ باسىم بولىگى قىتاي ەلىندەگى قازاق دياسپوراسىنىڭ جاستارى قۇراعان شارادا ءۇش سپيكەر قىتاي تىلىندە ءسوز ارنادى. ولار: شينحۋا ۋنيۆەرسيتەتىنىڭ تۇلەگى، ق ح ر- داعى ءىرى فارماتسيەۆتيكالىق كومپانيالاردىڭ ءبىرىنىڭ وڭىرلىك ديرەكتورى، قازاقستاندىق بايان قوڭىربايەۆ، ساندىق تەحنولوگيا جانە روبوت تەحنيكاسى جونىندەگى مامان باتىر ماقابىل ۇلى، اۆستريالىق بانكتىڭ بەيجىڭدەگى فيليالى ديرەكتورىنىڭ ورىنباسارى ريزا رايىمبەك قىزى.
«بۇل جوبا تابىستى ادامداردىڭ وزگەلەرمەن، ەڭ ءبىرىنشى كەزەكتە جاستارمەن تاجىريبەلەرىن ءبولىسىپ، جيناعان ءبىلىمىن وزگەلەرگە ۇيرەتۋگە، ولارعا ۇلگى- ونەگە كورسەتۋگە باعىتتالعان»، - دەدى قازاقپارات تىلشىسىنە سۇحبات بەرگەن Bawrsakh Talk جوباسىنىڭ جۇرگىزۋشىسى، ق ح ر ش ۇ ا ءو تەلەراديو كەشەنىنىڭ جانىنداعى Bawrsak ينتەرنەت- تۇعىرماسى قازاق رەداكسياسىنىڭ وكىلى جانبولات ماكەي ۇلى.
ونىڭ اتاپ وتۋىنشە، «باۋىرساق Talk» جوباسى العاش رەت 2017 -جىلدىڭ 29 - ناۋرىزىندا ءۇرىمجى قالاسىندا وتكەن.
Bawrsak ينتەرنەت- تۇعىرناماسى قىتاي ۇكىمەتى تارابىنان قولداۋعا يە بولىپ وتىر جانە «ءبىر بەلدەۋ، ءبىر جول» ستراتەگياسى اياسىندا جۇزەگە اسىرىلۋدا.
اۆتور: مارلان جيەمباي