ب ا ق: قانات يسلامنىڭ جانكۇيەرلەرى كيركلەندپەن وتەتىن ايقاستان زور اسەر الادى

استانا. قازاقپارات - Roundbyroundboxing.com سايتى قازاقستاندىق بوكسشى قانات يسلامنىڭ (24-0, 19 ك و) جانكۇيەرلەرىنە ۇنايتىن قاسيەتىن اتاپ ءوتتى، دەپ حابارلايدى Sports.kz.

«يسلام گونسالەسپەن بولعان ايقاستا بۇرىن كورگەن نارسەنى كورسەتتى: ول قورعانىستان قام جەمەي، ۇنەمى شابۋىل جاسادى. ونىڭ بۇل قاسيەتى كيركلەندپەن وتەتىن ايقاستا جانكۇيەرلەرىنىڭ ورنىنان تۇرىپ، وعان جاقتاسۋىنا ىقپال ەتەدى»، - دەپ جازدى باسىلىم.

 ەسكە سالايىق، 27 - مامىر كۇنى يسلام مەكسيكالىق نوربەرتو گونسالەستى (23-9, 13 ك و) جەڭىپ، ءبىرىنشى ورتا سالماقتاعى WBO NABA جانە WBA Intercontinental تيتۋلدارىن يەلەندى. قازاقستاندىقتىڭ كەلەسى قارسىلاسى امەريكالىق بوكسشى دجەيمس كيركلەند (32-2, 28 ك و) بولادى دەپ كۇتىلۋدە. جەكپە- جەك 9 - قىركۇيەك كۇنى استانادا وتەدى.