ۆولەيبول: قازاقستان قۇراماسى الەم ليگاسىندا گەرمانياعا ەسە جىبەردى

استانا. قازاقپارات - قازاقستاننىڭ ەرلەر قۇراماسى ءۇش سەتتە ۆولەيبولدان الەم ليگاسىنىڭ ءۇشىنشى توبىنىڭ باستاپقى ويىنى اياسىندا گەرمانيا كومانداسىنان ۇتىلىپ قالدى، دەپ حابارلايدى Sports.kz.

قازاقستاندىق ۆولەيبولشىلار جارىس بويى جاقسى ويىن كورسەتىپ، ءۇشىنشى پارتيادا جەڭىسكە قول جەتكىزۋلەرىنە از قالعان ەدى.

الايدا ءوز الاڭدارىندا ويىن كورسەتىپ جاتقان نەمىس كومانداسى وزدەرىنىڭ باسىمدىقتارىن سوڭعى ساتتە كورسەتتى.

قورىتىندى ەسەپ گەرمانيانىڭ پايداسىنا 3:0 (25:17, 25:16, 25:22) شەشىلدى. ماتچتا قازاقستان قۇراماسىنىڭ ويىنشىلارى ۆيتالي ەردشتەين (11 ۇپاي)، الەكساندر ستولنيكوۆ (5 ۇپاي) جانە ۆاسيلي دونەتس (5 ۇپاي) جاقسى ويىن ورگەگىن كورسەتتى.

3- ماۋسىم كۇنى قازاقستان قۇراماسى ۆەنەسۋەلامەن باق سىنايدى، جارىستىڭ باستالۋى استانا ۋاقىتىمەن ساعات 19:00-دە.