جۋرناليستەرگە ارنالعان كەزەكتى بايقاۋ جاريالاندى
وعان الماتىدا تىركەلگەن بۇقارالىق اقپارات قۇرالدارىنىڭ جۋرناليستەرى قاتىسا الادى، دەپ حابارلايدى قازاقپارات ءتىلشىسى ۇلتتىق جۋرناليستىك زەرتتەۋ ورتالىعى تاراتقان باسپا ءسوز حابارلاماسىنا سىلتەمە جاساپ.
«بۇگىنگى تاڭدا ءدىني راديكاليزم، ەكسترەميزم مەن تەرروريزم جەر جاھاندى قاتتى الاڭداتىپ وتىر. الەمدى دۇرلىكتىرىپ جاتقان وقيعالار وعان ناقتى مىسال. وكىنىشكە وراي، مۇنداي كەلەڭسىزدىكتەرمەن كەيىنگى جىلدارى ءبىز دە بەتپە-بەت كەلە باستادىق. ونىڭ باستى سەبەبى - كەيبىر قوعام مۇشەلەرىنىڭ قولجەتىمدى اقپاراتتاردى ساراپتاي بىلمەۋىندە جاتسا كەرەك. ويتكەنى، ءدىني جانە قۇقىقتىق تۇرعىدان ساۋاتتىلىعى جەتىسپەگەن ادامنىڭ كەز كەلگەن ءدىني باستاماعا ساۋاتتى تۇردە قاراي المايدى. وسىنىڭ سالدارىنان تەرىس اعىمنىڭ جەتەگىندە كەتكەنىن بىلمەيتىن، ءوز ۇلتتىق تابيعاتىنا قارسى شىققانىن سەزىنبەيتىن، جالپى مەملەكەتتىك قاعيداتتارعا قايشى كەلەتىنىن ۇعىنبايتىن، جالپى ادامزاتتىق يگىلىكتەردى مويىندامايتىن ويى وقشاۋ ازاماتتار مەن توپتار پايدا بولىپ، قوعامنىڭ بەرەكەسىن قاشىرا باستاعانى بەلگىلى. ءدىني ەكسترەميزم مەن تەرىس اعىمداردىڭ الدىن الۋ ءۇشىن قوعامدىق دەڭگەيدە پروفيلاكتيكالىق جۇمىستار اسا قاجەت»، - دەلىنگەن ورتالىقتىڭ رەسمي حابارلاماسىندا.
وسىعان وراي، اعىمداعى جىلى 1- ماۋسىم مەن 1- قازان ارالىعىندا ءدىن تاقىرىبىندا جازىلعان ۇزدىك شىعارمالار بايقاۋى جاريالانىپ وتىر.
جەڭىمپازداردى ماراپاتتاۋ 18- قازان - ق ر رۋحاني كەلىسىم كۇنى مەرەكەسى قارساڭىندا وتەدى. جۇلدەنىڭ جالپى قورى - 1000000 تەڭگە. بايقاۋ بىرنەشە اتالىم بويىنشا وتەدى. ول - «ۇزدىك الەۋمەتتىك بەينەروليك»، «ۇزدىك تەلە باعدارلاما»، «ۇزدىك راديو باعدارلاما»، «ينتەرنەت جەلىسىندەگى قازاق تىلىندەگى ەڭ ۇزدىك ماتەريال»، «ينتەرنەت جەلىسىندەگى ورىس تىلىندەگى ەڭ ۇزدىك ماتەريال»، «مەرزىمدىك باسىلىمدارداعى قازاق تىلىندەگى ەڭ ۇزدىك ماقالا»، «مەرزىمدىك باسىلىمدارداعى ورىس تىلىندەگى ەڭ ۇزدىك ماقالا»، «ۇزدىك ينتەرنەت جەلى»، «الەۋمەتتىك جەلىلەردەگى ەڭ ۇزدىك بەلسەندى قوعامدىق توپ» جانە «ەڭ بەلسەندى بلوگەر».
باستى تالاپ - قازاقستاننىڭ زايىرلى مەملەكەتتىك قۇرىلىمىن قاراپايىم ءارى ۇعىنىقتى تىلمەن ءتۇسىندىرۋ، مەملەكەتتىك ساياساتتىڭ زاڭنامالىق تالاپتارىن ۇعىندىرۋ، ءدىني ەكسترەميستىك اعىمداردى اشكەرەلەۋ، ءداستۇر مەن ءدىننىڭ ءوزارا بايلانىسىن جەتكىزۋ، ءدىني ەكسترەميزمنىڭ الدىن الۋ، تەرىس ءدىني توپتاردىڭ يدەولوگياسى مەن ولاردىڭ زياندىعىن اشىپ كورسەتۋ. بايقاۋعا قاتىسۋشىلار ۇيىمداستىرۋ كوميتەتىنە (الماتى قالاسى، ءال-فارابي داڭعىلى، 71 ءۇي، قاز ۇ ۋ- دىڭ جۋرناليستيكا فاكۋلتەتى، 218№ بولمە، بايلانىس تەلەفونى: 87775654078. مىناداي قۇجاتتاردى قوسا جىبەرىلۋى ءتيىس: 1) جۋرناليست تۋرالى اقپارات: - اۆتور تۋرالى ماعلۇمات /تۋعان جەرى، كۇنى، ايى، جىلى، تەلەفون/؛ - جۇمىس ىستەيتىن باق انىقتاماسى. 2) بايقاۋ ماتەريالى جاريالانعان گازەت-جۋرنالدىڭ ءتۇپ نۇسقاسى، سايتتاعى ماتەريال سكرينشوتپەن جانە قاعازدىق نۇسقاسى، تەلە-راديو باعدارلامالاردىڭ DVD، CD فورماتىنداعى ديسكىلەرگە جازىلعان نۇسقاسى (قاعازعا تۇسىرىلگەن نۇسقاسىمەن بىرگە).
اۆتور: ارمان اسقاروۆ