كەلەسى جىلى حالىقارالىق تەلەارنالاردىڭ قاتارى قازاق ارناسىمەن تولىعۋى مۇمكىن

استانا. قازاقپارات - كەلەسى جىلى حالىقارالىق تەلەارنالاردىڭ قاتارى QazaqGeography ارناسىمەن تولىعۋى مۇمكىن.  بۇل تۋرالى قازاق ۇلتتىق گەوگرافيالىق قوعام وكىلدەرى وتكىزگەن باسپا ءسوز ءماسليحاتىندا ايتىلدى. بيىل قوعامدىق بىرلەستىك 14 جوبانى جۇزەگە اسىرۋدى جوسپارلاپ وتىر.

عالىمدار مەن ەرىكتىلەر «كيەلى قازاقستان» جوباسى اياسىندا ورتالىق جانە باتىس قازاقستاننىڭ قاسيەتتى جەرلەرىنە، اقمولا وبلىسىنداعى زەرەندى اۋدانىنا عىلىمي- تانىمدىق ەكسپەديتسيالارعا شىعادى. قوعام تۇزگەن جوسپارعا ساي ساپارلار ۇدايى جۋرناليستەر نازارىندا. وسى ورايدا قوعامنىڭ مۇشەلەرى قامقورشىلىق كەڭەس وكىلدەرىنە حالىقارالىق تەلەارنا اشۋدى ۇسىنعان بولاتىن.

توعجان داۋىتبايەۆا، QazaqGeography قوعامىنىڭ مەنەدجەرى:

- نەگىزىندە مۇنداي نيەتىمىز بار. ءبىراق قازىر ەكونوميكالىق- قارجىلىق ماسەلەلەر بولعاندىقتان، ءبىز ءبىرىنشى قادامىمىزدى جاي عانا باعدارلامالاردان باستاعىمىز كەلەدى. بولاشىقتا كانال اشقىمىز كەلىپ وتىر. دەمەۋشىلىك جانە قامقورشىلىق بولسا، ءبىر- ەكى جىل ونداي مۇمكىندىك بار بولادى دەپ ويلايمىن.

www.24.kz