استانادا ساراپشىلار مەملەكەتتىك سيمۆولداردى قولدانۋ ماسەلەسىن تالقىلادى
«بىزدە مەملەكەتتىك سيمۆولداردى ءتيىستى دەڭگەيدە قولدانباۋعا قاتىستى اكىمشىلىك جانە قىلمىستىق جاۋاپكەرشىلىك قاراستىرىلعان. اكىمشىلىك قۇقىق بۇزۋشىلىقتار تۋرالى كودەكستە مەملەكەتتىك سيمۆولداردى، گيمن ءماتىنىن ءتيىستى دەڭگەيدە قولدانباۋعا قاتىستى نورمالار كورسەتىلگەن، سونىمەن قاتار قاجەت كەزدە مەملەكەتتىك سيمۆوليكانى قولدانباۋعا دا قاتىستى جاۋاپكەرشىلىك كوزدەلگەن»، - دەدى ب. وماروۆا «قازاقستان رەسپۋبليكاسىنىڭ مەملەكەتتىك سيمۆولدارى. 25 جىل: تاريح پەن قولدانۋ تاجىريبەسى» اتتى عىلىمي، پراكتيكالىق كونفەرەنسيادا.
«ارينە، ءسىز بالكونعا قازاقستان تۋىن ىلە الاسىز. رەسمي جانە رەسمي ەمەس قولدانۋ دەگەن بار. رەسمي ەمەس دەگەنىمىز - قازاقستان ازاماتتارىنىڭ ءوزىنىڭ پاتريوتتىق سەزىمدەرىن، وتانىنا دەگەن ماحابباتىن تانىتۋ كەزىندە مەملەكەتتىك تۋدى قولدانۋ»، - دەپ جاۋاپ قايىردى ول تىلشىلەردىڭ مەملەكەتتىك تۋدى بالكونعا ىلۋگە قاتىستى قويعان ساۋالىنا.
بوتاگوز وماروۆانىڭ سوزىنشە، سيمۆولداردى رەسمي قولدانۋدىڭ ەرەجەلەرى بەكىتىلگەنىمەن، وكىنىشكە وراي، رەسمي ەمەس جاعدايلاردا مەملەكەتتىك سيمۆولداردى قاي كەزدەرى قولدانۋعا بولمايتىنىن ناقتى كورسەتەتىن قاعيدالار جوق.
«نورمالار مەن زاڭداردى زەرتتەپ شىعىپ، مەن مىناداي ۇيعارىم جاسادىم، مەملەكەتتىك تۋ باسقا دا عيماراتتارعا ولاردىڭ يەلەرىنىڭ كەلىسىمىمەن ورناتىلا الادى. مەملەكەتتىك سيمۆوليكانىڭ سۋرەتتەرىن باسقا ماتەريالدىق وبەكتىلەردە قولدانۋعا بولادى. ولاردى جەيدەلەردە، كويلەكتەردە جانە وزگە دە كيىمدەردە باسىپ شىعارۋعا قۇقىلىسىز. سونىمەن قاتار زاڭدى جانە جەكە تۇلعالار كوپشىلىك شارالاردا وزدەرىنىڭ پاتريوتتىق سەزىمدەرىن جەتكىزۋ ءۇشىن مەملەكەتتىك سيمۆوليكالاردى قولدانا الادى. وعان تىكەلەي تىيىم جوق. ۇلتتىق ستاندارتتاردىڭ تالاپتارىن بۇزىپ، مەملەكەتتىك تۋدى قولدانۋعا، مەملەكەتتىك سيمۆولداردى قوعامدىق بىرلەستىكتەرمەن وزگە دە ۇيىمداردىڭ گەرالديكالىق بەلگىلەرىنە تاڭۋعا تىيىم سالىنعان. مەملەكەتتىك تۋ مازاق پەن قورلاۋدىڭ نىسانىنا اينالماۋى ءتيىس. ۇلتتىق نىشانداردى قورلاۋعا قاتىستى قىلمىستىق جاۋاپكەرشىلىك قاراستىرىلعان. قاساقانا مازاق ەتۋ، تۋدى ءبۇلدىرۋ فاكتىلەرىنە ءتىپتى باس بوستاندىعىنان ايىرۋ جازاسى كوزدەلگەن. نەگىزىنەن بۇنداي قىلىقتار نارازىلىق كەزىندە جانە بۇزاقىلىق جاساۋ بارىسىندا ورىن الىپ جاتادى»، - دەپ ءتۇسىندىردى ب. وماروۆا.
ءوز كەزەگىندە، ءى ءى م وقىتۋ ورتالىعىنىڭ جەتەكشىسى، پوليتسيا پولكوۆنيگى مۇرات ەسماعامبەتوۆ ق ر قىلمىستىق كودەكسىنىڭ 317 بابى - مەملەكەتتىك سيمۆولداردى قورلاۋ بويىنشا جاۋاپكەرشىلىك قولدانىلاتىنىن اتاپ ءوتتى. وعان ءبىر مىڭنان ەكى مىڭ ا ە ك- كە دەيىن ايىپپۇل، سونىمەن قاتار 1 جىلعا دەيىن باس بوستاندىعىنان ايىرۋ جازاسى قاراستىرىلعان.
اۆتور: جاسۇلان جولدىبايەۆ