گۇلشارا ءابدىحالىقوۆا: مەملەكەتتىك رامىزدەر كۇنىن مەرەكەلەۋدىڭ باستى ماقساتى - قازاقستاندىق پاتريوتيزمدى كۇشەيتۋ
«ءبىز مەملەكەتتىك رامىزدەر كۇنى قارساڭىندا رەسپۋبليكالىق كوميسسيانىڭ وتىرىسىنا جينالىپ وتىرمىز. وزدەرىڭىزگە بەلگىلى، بيىل مەملەكەتتىك رامىزدەردىڭ قابىلدانعانىنا شيرەك عاسىر تولىپ وتىر. وسىعان وراي، ءبىز ارنايى جوسپار قابىلداعان بولاتىنبىز. اتالعان جوسپارعا سايكەس، رەسپۋبليكا بويىنشا ءتيىستى جۇمىستار اتقارىلىپ جاتىر. ونى بۇقارالىق اقپارات قۇرالدارىنان كورىپ- ءبىلىپ وتىرسىزدار. مەملەكەتتىك رامىزدەر كۇنىن مەرەكەلەۋدىڭ باستى ماقساتى - قازاقستاندىق ءپاتريوتيزمدى ناسيحاتتاۋ، ازاماتتاردىڭ بويىندا ەلدىڭ الەۋمەتتىك- ەكونوميكالىق جەتىستىكتەرى ءۇشىن ماقتانىش سەزىمدەرىن قالىپتاستىرۋ، جاس ۇرپاقتى تاۋەلسىزدىك نىشاندارىنا كۇرمەتپەن قاراۋعا تاربيەلەۋ»، - دەدى گۇلشارا ناۋشا قىزى. وسى ورايدا مەملەكەتتىك حاتشى «بولاشاققا باعدار: رۋحاني جاڭعىرۋ» اتتى پرەزيدەنت ماقالاسىندا ايتىلعان ماسەلەلەر جايىندا ايتا كەلە، ونداعى ماقسات- مىندەتتەر بارشاعا ورتاق ەكەنىن جەتكىزدى.
كوميسسيانىڭ بۇگىنگى وتىرىسىندا ق ر مەملەكەتتىك رامىزدەرىنىڭ 25 جىلدىعىن مەرەكەلەۋگە ارنالعان ءىس- شارالار جوسپارىن ورىنداۋ بارىسى قارالدى. اتالعان ماسەلە بويىنشا ق ر مادەنيەت جانە سپورت مينيسترلىگى ەسەپ بەردى. بۇدان بولەك، مەملەكەتتىك رامىزدەردى پايدالانۋ جانە ناسيحاتتاۋ جۇمىستارى بويىنشا ءبىرقاتار ورتالىق پەن اتقارۋشى ورگانداردىڭ بايانداماسى تىڭدالدى. وتىرىس بارىسىندا مەملەكەتتىك رامىزدەرگە قاتىستى زاڭنامانى بۇزۋ ارەكەتتەرىنە جول بەرمەۋ، وسى سالادا ىشكى باقىلاۋدى جۇرگىزۋ، قۇقىقتىق تاجىريبەنى جەتىلدىرۋ، سونداي- اق مەملەكەتتىك رامىزدەردى ناسيحاتتاۋ مەن قولدانۋ شارالارىن باقىلاۋدى كۇشەيتۋ جايى ءسوز بولدى. وتىرىس سوڭىندا مەملەكەتتىك رامىزدەرگە دەگەن قۇرمەتتى قالىپتاستىرۋ جانە حالىقتىڭ قۇقىقتىق ساۋاتتالىعىن ارتتىرۋ بويىنشا ناقتى تاپسىرمالار بەرىلدى.
فوتو: ۆيكتور فەديۋنين
اۆتور: ارمان اسقاروۆ