قازاقستاندىق نەيروحيرۋرگيا ەۋروپالىق دەڭگەيگە جەتتى - ساراپشىلار
القالى جيىنعا گەرمانيا، رەسەي، جاپونيا مەن وڭتۇستىك كورەيا، بەلارۋس ەلىنەن ماماندار كەلگەن. ماماندار قازاقستاندىق نەيروحيرۋرگيا سالاسىنىڭ جەتكەن جەتىستىكتەرىن جوعارى باعالادى. ت م د ەلدەرىنىڭ اراسىندا قازاقستان العاشقىلاردىڭ ءبىرى بولىپ ءۇش يننوۆاتسيالىق قۇرىلعىنىڭ بىرىككەن جۇيەسى ارقىلى ەم جۇرگىزۋدى قولعا الدى.
اتاپ ايتقاندا، ءبىرىنشىسى - كومپيۋتەرلىك توموگرافيا، ەكىنشىسى - ناۆيگاتسيالىق جۇيەلەر، سوڭعىسى - زاماناۋي وپەراتسيالىق ميكروسكوپ. بۇل كۇردەلى وپەراتسيالار كەزىندە باقىلاۋدى كۇشەيتۋگە كومەكتەسەدى. سەبەبى، اپپاراتتار ۆيزۋاليزاتسيانى جاقسارتا تۇسەدى. الماتى قالاسى №7 قالالىق كلينيكالىق اۋرۋحاناسىنىڭ باس دارىگەرى مارات ابدۋللايەۆتىڭ ايتۋىنشا، بيىل الماتى قالاسى دەنساۋلىق باسقارماسىنىڭ قولداۋىمەن زاماناۋي نەيروناۆيگاتور ورناتىلاتىن بولادى.
«بۇل جاڭا قۇرىلعىنىڭ ىسكە قوسىلۋى ناۋقاستار ءۇشىن قۋانىشتى جاڭالىق ءارى قازاقستاندىق نەيروحيرۋرگتەردىڭ مۇمكىندىگىن ارتتىرادى. ءبىزدىڭ اۋرۋحانادا ت م د ەلدەرى اراسىندا ءبىرىنشى بولىپ زاماناۋي وپەراتسيالىق بولمە جاساقتالادى»، - دەدى مارات شادىباي ۇلى.
«قازاقستان حالىقارالىق الاڭدا الدىڭعى قاتارعا شىقتى. ونىڭ نەيروحيرۋرگيا سالاسىنداعى الەۋەتى جوعارى. سەبەبى، زاماناۋي اپپاراتتاردىڭ بارلىق ءتۇرى بار. مۇنداي قۇرىلعىلار رەسەيدىڭ كەيبىر ۇزدىك دەپ سانالاتىن ەمحانالارىندا دا جوق. نەيروحيرۋرگتەر قىزمەتى ساپاسىنىڭ جوعارى ەكەنىن دە اتاپ وتكەن ءجون. قازىر سىزدەردىڭ قاتارلارىڭىزدا حالىقارالىق دەڭگەيدەگى ماماندار بار، ولار جۇزدەن اسا وپەراتسيا جاساعان. دەمەك، سىزدەر حالىقارالىق دەڭگەيدەگى باسەكەگە قابىلەتتىسىزدەر. بىلىكتى ماماندار ىزدەپ، شەتەل اسۋدىڭ قاجەتى جوق»، - دەدى رەسەيلىك بىلىكتى نەيروحيرۋرگ، يركۋتسك حيرۋرگيا مەن تراۆماتولوگيا عىلىمي ورتالىعى نەيروحيرۋرگيا عىلىمي- كلينيكالىق ءبولىمىنىڭ جەتەكشىسى ۆاديم بىۆالتسيەۆ.
ال گەرمانيادان كەلگەن ماماندار مي ىسىگى مەن باس- سۇيەگى، ومىرتقا جانە جۇلىن جاراقاتىنا جاسالاتىن كۇردەلى وپەراتسيالار زاماناۋي ءادىس- تاسىلدەرمەن تولىعىپ، جاڭا دەڭگەيگە كوتەرىلگەنىن اتاپ ءوتتى. ۇيىمداستىرۋشىلاردىڭ ايتۋىنشا، مۇنداي كەزدەسۋلەر پىكىر الماسىپ، تاجىريبە بولىسۋگە تاپتىرمايتىن مۇمكىندىك. بۇل قازاقستاندىق مامانداردىڭ بىلىكتىلىگىن ارتتىرۋعا كەرەك. ال بىلىكتى مامان حالىققا اۋاداي قاجەت. عىلىمي كونفەرەنسيا شەڭبەرىندە جۇلىن مەن باس- جاق سۇيەگى تاقىرىبىندا ەكى شەبەرلىك ساعاتى ۇيىمداستىرىلىپ، وپەراتسيا ۇستەلىنەن تىكەلەي ەفيردە كورسەتىلدى. كونفەرەنسيانى ۇيىمداستىرۋعا ق ر دەنساۋلىق ساقتاۋ مينيسترلىگى، الماتى قالاسى دەنساۋلىق باسقارماسى، الماتى قالاسى №7 قالالىق كلينيكالىق اۋرۋحاناسى مەن «قازاق نەيروحيرۋرگتارىنىڭ قاۋىمداستىعى» قوعامدىق بىرلەستىگىنىڭ الماتى فيليالى، قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى، «قوعامنىڭ دەنساۋلىق ساقتاۋ جوعارعى مەكتەبى» قازاقستاندىق مەديتسينالىق ۋنيۆەرسيتەتى اتسالىستى.
اۆتور: گۇلميرا عوسمانالي