قايرات نۇرتاس ءتۇسىرىپ جاتقان فيلمنىڭ پروكاتقا قاشان شىعاتىنى بەلگىلى بولدى

استانا. قازاقپارات - قايرات نۇرتاس ءوزى ءتۇسىرىپ جاتقان «كەلىن» فيلمىنىڭ ءتۇسىرىلىم جۇمىستارى تۋرالى ايتىپ بەردى.

استانادا قالا اكىمدىگىنىڭ ۇيىمداستىرۋىمەن Open Air شوۋ-كونسەرتى ءوتتى. وسى كەشتە ونەر كورسەتكەن قايرات نۇرتاس شىعارماشىلىقتاعى سوڭعى جاڭالىقتارىمەن ءبولىستى. ءانشىنىڭ ايتۋىنشا، قازىر ول ءتۇسىرىپ جاتقان «كەلىن» رومانتيكالىق كوركەم فيلمىنىڭ ءتۇسىرىلىم جۇمىستارى اياقتالىپ قالعان، دەپ جازادى ەگەمەن قازاقستان.

ءانشىنىڭ ايتۋىنشا، فيلم كۇزگە سالىم كوپشىلىك نازارىنا ۇسىنىلادى. فيلم رەجيسسەرى قايرات نۇرتاس كينودا فۋتبولشى ءرولىن سومداپ، ءوزىن جاڭا قىرىنان كورسەتپەك.

- العا قويعان ماقساتتارىم رەتىمەن ورىندالىپ جاتىر. كوپتەگەن جاڭا اندەر جازدىردىم. كۇزگە قاراي جەكە كونسەرتىمدى دە وتكىزبەكپىن، - دەيدى قايرات نۇرتاس.

مەرەكەلىك كەشتى تاماشالاۋعا كەلگەن 50 مىڭعا جۋىق قالا تۇرعىنى مەن قوناقتاردىڭ باسى «قازاق ەلى» مونۋمەنتى الاڭىندا توعىستى. الۋان ءتۇرلى شىعارماشىلىق توپ شوعىرلانعان كونسەرتكە قايرات نۇرتاس، گليۋكوزا، تورەعالي تورەالى، موت، اننا سەمەنوۆيچ، دجيگان، الەكسەيەۆ، «ۆينتاج» سياقتى ت م د ەلدەرىنىڭ تانىمال ەسترادا انشىلەرى قاتىسىپ، استانالىقتارعا سەرپىلىس پەن كوتەرىڭكى كوڭىل-كۇي سىيلادى.