استانالىقتار الەۋمەتتىك جەلى ارقىلى جۇمىسقا تۇرا الادى
استانا قالاسى اكىمدىگىنىڭ مەديا- ورتالىق تىلىشىسىنە قالالىق جۇمىسپەن قامتۋ جانە الەۋمەتتىك باعدارلامالار باسشىسىنىڭ ورىنباسارى ساۋلە نۇرگوجينا وتكەن جىلى ەنگىزىلگەن «CZ Astana» موبيلدىك قوسىمشاسىنا 5000 نان استام ادام جۇكتەلگەندىگىن ايتىپ بەرگەن. موبيلدىك قوسىمشالار مەن الەۋمەتتىك جەلىلەردىڭ ارقاسىندا پايدالانۋشىلار ەڭبەك نارىعىنداعى بوس ورىندار تۋرالى بىلەدى، كاسىبي بىلىكتىلىگىن تەكسەرۋ تەستىنەن وتەدى، تۇيىندەمەنى دۇرىس تولتىرۋدى ۇيرەنەدى، سۇحباتتاسقاندا جاۋاپ بەرۋگە ماشىقتانادى، جۇمىس بەرۋشىنىڭ قۇقىقتارى مەن مىندەتتەرىمەن تانىسا الادى. سونداي- اق، ءونداجوسپارلانعانىس- شارالار، كۋرستار، بوس ورىندار جارمەڭكەسى، شەبەرلىك سىنىپتار ءتىزىمى بار. بۇدان بولەك جىل باسىنان بەرى 4 جۇمىس بوس ورىندار جارمەڭكەسى وتكىزىلگەن، سونىمەن قاتار مۇمكىندىگى شەكتەۋلى جاندارعا ارنالعان 2 جارمەڭكە ۇيىمداستىرىلعان. ەلوردانىڭ جۇمىسپەن قامتۋ ورتالىعىنىڭ مالىمەتىنشە، جىل باسىنان بەرى (30 - مامىرعا دەيىن) 6732 ادام جۇمىس سۇراپ كەلگەن. قازىرگى ۋاقىتتا ءوتىنىش بىلدىرگەندەردىڭ% 36,7 ، دالىرەك ايتقاندا، 2471 ادام جۇمىسپەن قامتىلدى. بۇلاردىڭ ىشىندە 125 ادام الەۋمەتتىك جۇمىس ورىندارىنا جانە ءبىلىم مەكەمەلەرىنىڭ 355 تۇلەگى جاستار تاجىريبەسىنەن وتۋگە جىبەرىلگەن. قوعامدىق جۇمىستارعا 1029 ازامات قاتىسادى، ال 185 ادام ارناۋلى كاسىبي دايارلىقتان وتۋدە. بۇدان بولەك، مۇمكىندىگى شەكتەۋلى 254 ادام جۇمىسقا تۇرعىزىلعان. ونىڭ 27- ءسى تۇراقتى ورىنعا، 2 ەۋى جاستار تاجىريبەسىنە، 5 ەۋى الەۋمەتتىك جۇمىسقا جانە 190 اداماقى تولەنەتىن قوعامدىق جۇمىستارعا جۇمىلدىرىلدى. سونداي- اق 4 ادام قىسقا مەرزىمدى كاسىبي وقۋ كۋرسىنان ءوتىپ جاتىر. جۇمىسقا ورنالاسۋ بويىنشا كەڭەس بەرەتىن ورتالىقتار استانانىڭ 3 مەشىتى مەن «الاي» بازارىندا اشىلدى. ناۋرىز ايىنان باستاپ ورتالىق ماماندارى ح ق ك و مەن استانانىڭ ەكى ساۋدا ۇيىندە ورنالاسقان. ايتا كەتەيىك، قازىرگى تاڭدا استانا قالاسى جۇمىسسسىزدىق دەڭگەيى تومەندىگى بويىنشا الدىڭعى ورىندا، رەسپۋبليكالىق كورسەتكىشتەن% 0,3 تومەن. 2017 -جىلدىڭ 1 - جارتى جىلدىعىندا جۇمىسسىزدىق دەڭگەيى % 4,6 قۇرادى.